ສະຫາຍ ພົນເອກ ຈັນສະໝອນ ຈັນຍາລາດ ຕ້ອນຮັບຄະນະຜູ້ແທນ
ອະດີດທະຫານອາສາສະໝັກ ແລະ ຊ່ຽວຊານຫວຽດນາມ
ພົນເອກ ຈັນສະໝອນ ຈັນຍາລາດ ຕ້ອນຮັບການເຂົ້າຢ້ຽມຂໍ່ານັບ
ຂອງຄະນະຜູ້ແທນອະດີດທະຫານອາສາສະໝັກແລະຊ່ຽວຊານຫວຽດ
ໃນວັນທີ 19 ມັງກອນ 2019 ນີ້, ທີ່ຫ້ອງຮັບແຂກຕຶກສະໂມສອນກະຊວງປ້ອງກັນປະເທດ ສະຫາຍ ພົນເອກ ຈັນສະໝອນ ຈັນຍາລາດ ກຳມະການກົມການເມືອງສູນ
ກາງພັກ ລັດຖະມົນຕີກະຊວງປ້ອງກັນປະເທດ ແຫ່ງ ສປປ ລາວ ໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບຂອງຄະນະຜູ້ແທນອະດີດທະຫານອາສາສະໝັກ ແລະ ຊ່ຽວຊານ
ຫວຽດນາມນຳໂດຍ ສະຫາຍ ພົນຈັດຕະວາ ຮີ້ງ ດັກ ເຮືອງ ອະດີດທະຫານອາສາສະໝັກ ແລະຊ່ຽວຊານຫວຽດນາມ ພ້ອມດ້ວຍຄະນະ, ເນື່ອງໃນໂອກາດທີ່ເດີນທາງມາ
ຮ່ວມພິທີສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ.
ສະຫາຍ ພົນເອກ ຈັນສະໝອນ ຈັນຍາລາດ ລັດຖະມົນຕີກະຊວງປ້ອງກັນປະເທດ ແຫ່ງ ສປປ ລາວ ໄດ້ກ່າວສະແດງຄວາມຕ້ອນຮັບອັນອົບອຸ່ນ ແລະ ກ່າວສະແດງ
ຄວາມຂໍ່ານັບຊົມເຊີຍຂອງການມາຮ່ວມງານສະເຫຼີມສະຫຼອງຄົບຮອບ 70 ປີ ຂອງກອງທັບປະຊາຊົນລາວ ຂອງຄະນະອະດີດທະຫານອາສາສະໝັກ ແລະ ຊ່ຽວຊານຫວຽດ
ນາມ ທີ່ເຄີຍມາຊ່ວຍເຫຼືອການປະຕິວັດລາວໃນປາງສົງຄາມ, ການມາຮ່ວມຂອງບັນດາສະຫາຍໃນ ເທື່ອນີ້ສຸດທີ່ມີຄວາມໝາຍ, ຄວາມສຳຄັນປະຫວັດສາດສຳລັບສອງ
ຊາດ, ສອງກອງທັບຂອງພວກເຮົາ 70 ປີແຫ່ງການກໍ່ສ້າງ ແລະ ເຕີບໃຫຍ່ຂະຫຍາຍຕົວຂອງກອງທັບ ປະຊາຊົນລາວ ມັນຕິດພັນກັບການສະໜັບສະໜູນການຊ່ວຍເຫຼືອອັນ
ໃຫຍ່ຫຼວງຢ່າງບໍ່ມີຂອບເຂດຈາກພັກ-ລັດຖະບານ ແລະ ກອງທັບປະຊາຊົນຫວຽດນາມ, ເຊ່ິງໃນນັ້ນພິເສດທີ່ສຸດກໍແມ່ນມີການເຂົ້າຮ່ວມຂອງບັນດາສະຫາຍອາສາສະໝັກ
ແລະ ຊ່ຽວຊານຫວຽດນາມ, ທັງໝົດຜົນງານອັນລໍ້າຄ່າຂອງບັນດາສະຫາຍທະຫານອາສາສະໝັກຫວຽດນາມ ເຊິ່ງໄດ້ຕິດພັນກັບປະຫວັດສາດການຕໍ່ສູ້ມີໄຊຂອງກອງທັບ
ປະຊາຊົນລາວແຕ່ຕົ້ນຕະຫຼອດປາຍ. ພັກ-ລັດ, ກອງທັບປະຊາຊົນລາວ ຂໍສະແດງຄວາມຮູ້ບຸນຄຸນອັນເລິກເຊິ່ງຂໍຈົດຈໍາໄວ້ຜົນງານອັນລໍ້າເລີດຂອງບັນດາສະຫາຍນັກຊ່ຽວ
ຊານ ແລະ ອາສາສະໝັກຫວຽດນາມທີ່ມີຕໍ່ພາລະກິດປະຕິວັດຊາດ, ປະຊາທິປະໄຕໃນເມື່ອກ່ອນ ກໍຄືໃນໄລຍະແຫ່ງການປົກປັກຮັກສາ ແລະ ສ້າງສາພັດທະນາປະເທດຊາດ
ຂອງພວກເຮົາໃນປັດຈຸບັນ.