ອົງຄະນະພັກກອງບັນຊາການທະຫານແຂວງ ບໍໍ່ແກ້ວ ສຳເລັດກອງປະຊຸມເປີດກວ້າງ
ໃນວັນທີ 15 ມີນາ 2017 ນີ້, ອົງຄະນະພັກກອງບັນຊາການທະຫານແຂວງ ບໍ່ແກ້ວ ໄດ້ດຳເນີນກອງປະຊຸມເປີດກວ້າງປະຈຳປີ 2016 ໂດຍການເປັນ ປະທານຂອງສະຫາຍ ພົນຈັດຕະວາ ມະລີສານ ແສງຈັນທາ ຮອງເລຂາພັກແຂວງ, ເລຂາຄະນະພັກ, ຫົວໜ້າການເມືອງກອງບັນຊາການທະຫານແຂວງ ບໍ່
ແກ້ວ ເຂົ້າຮ່ວມ.
ພົນຈັດຕະວາ ມະລີສານ ແສງຈັນທາ ເຂົ້າຮ່ວມກອງປະຊຸມເປີດກວ້າງ
ໃນກອງປະຊຸມ ພັນເອກ ວິດອນ ພຸດດາວົງ ກຳມະການພັກແຂວງ ຮອງເລຂາຄະນະພັກຫົວໜ້າການທະຫານກອງບັນຊາການທະຫານແຂວງ ບໍ່ແກ້ວ
ໄດ້ຂຶ້ນຜ່ານບົດສະຫຼຸບກ່ຽວກັບການຊີ້ນຳ-ນຳພາ ແລະຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ IV ຂອງອົງຄະນະພັກກອງບັນຊາການໃນ 1 ປີຜ່ານມາ,
ຕີລາຄາ ດ້ານດີ-ດ້ານອ່ອນ, ວິທີແກ້ໄຂ. ຍົກໃຫ້ເຫັນສະພາບການດ້ານຕ່າງໆພາຍໃນແຂວງຕາມຂອບເຂດຮັບຜິດຊອບ, ສະພາບຊາຍແດນ ລາວ-ໄທ,
ລາວ-ມຽນມາ ທີ່ຕິດຈອດກັບແຂວງ ບໍ່ແກ້ວ ໃຫ້ມີຄວາມສະຫງົບປອດໄພຕິດພັນກັບການລົງກໍ່ສ້າງຮາກຖານປະຊາຊົນ, ໂດຍປະຕິບັດຕາມ 4 ໜ້າທີ່
ໃຫຍ່ 26 ແຜນງານ, ຂໍ້ ກຳນົດ 7 ລະບອບ 18 ວຽກ ຂອງກອງທັບຢ່າງເຂັ້ມງວດ, ໃນ 1 ປີຜ່ານມາໄດ້ປະເມີນໜ່ວຍພັກແຂງ-ຮູ້ນຳພາຮອບ ດ້ານໄດ້ 6
ໜ່ວຍ, ສະເລ່ຍເທົ່າກັບ 17,64%, ສ້າງເປົ້າໝາຍຮັບຮອງເປັນໜ່ວນພັກແຂງ-ຮູ້ນຳພາຮອບດ້ານໃນປີ 2017 ຈຳນວນ 7 ໜ່ວຍພັກ. ສືບຕໍ່ວາງທິດທາງ
ແຜນການນຳພາຂອງຄະນະພັກກອງບັນຊາການໃນປີ 2017. ເຊິ່ງໄດ້ວາງຄາດໝາຍສູ້ຊົນປັບປຸງກໍ່ສ້າງພັກຕາມ 5 ຫຼັກການ 3 ທິດນຳຊຸກຍູ້ຂະບວນການ
ແຂ່ງຂັນຮັກຊາດ ແລະພັດທະນາຕິດພັນກັບການກໍ່ສ້າງກອງແຂງ-ໜ່ວຍພັກຮູ້ນຳພາຮອບດ້ານ, ນຳພາຂະບວນການສ້າງໃຫ້ກົມ ກອງກາຍເປັນກົມກອງວັດ
ທະນະທຳ-ນັກຮົບວັດທະນະທຳ, ສູ້ຊົນນຳພາກົມກອງເຮັດວຽກງານ 4 ປູກ 4 ລ້ຽງໃຫ້ໄດ້ຕາມລະດັບຄາດໝາຍ.