ຫົວໜ້າກົມໃຫຍ່ເສນາທິການ ລົງເຄື່ອນໄຫວກວດກາ
ໂຄງການການກໍ່ສ້າງຢູ່ກອງພັນໃຫຍ່ 202
ໃນວັນທີ 17 ກຸມພາ 2017 ນີ້, ທ່ານ ພົນຕີ ສຸວອນ ເລືອງບຸນມີ ກຳມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມ
ໃຫຍ່ເສນາທິການກອງທັບ ໄດ້ລົງເຄື່ອນໄຫວຢ້ຽມຢາມ ແລະກວດກາບັນດາໂຄງການການກໍ່ສ້າງຢູ່ກອງພັນໃຫຍ່ 202 ທີ່ຂຶ້ນກັບກອງພົນທີ 2.
ພົນຕີ ສຸວອນ ເລືອງບຸນມີ ລົງເຄື່ອນໄຫວກວດກາໂຄງການການກໍ່ສ້າງຢູ່ກອງພັນໃຫຍ່ 202
ໃນການລົງເຄື່ອນໄຫວຢ້ຽມຢາມຂອງຫົວໜ້າກົມໃຫຍ່ເສນາທິການກອງທັບໃນຄັ້ງນີ້, ແມ່ນໄດ້ຮັບການຕ້ອນຮັບຈາກຄະນະພັກ-ຄະນະບັນຊາກອງ
ພັນໃຫຍ່ 202 ພ້ອມທັງໄດ້ຮັບຟັງການລາຍງານສະພາບຂອງກົມກອງໂດຍຫຍໍ້ ເຊິ່ງໄດ້ຍົກໃຫ້ເຫັນບັນດາຜົນງານການເຄື່ອນໄຫວຂອງກົມກອງໃນຕະ
ຫຼອດໄລຍະທີ່ຜ່ານມາທີ່ມີທັງຂໍ້ສະດວກ ແລະຂໍ້ຫຍຸ້ງຍາກໃຫ້ຂັ້ນເທິງໄດ້ຮັບຊາບ. ພ້ອມນີ້, ທ່ານ ພົນຕີ ສຸວອນ ເລືອງບຸນມີ ກໍໄດ້ລົງກວດກາເບິ່ງສະພາບ
ຕົວຈິງກ່ຽວກັບເຮືອນນອນ, ຫ້ອງການຢູ່ທີ່ກອງພັນໃຫຍ່ 202 ໃນການປຸກສ້າງແບບເຄິ່ງຖາວອນຂອງອ້າຍນ້ອງທີ່ສາມາດກຸ້ມຕົນເອງໄດ້ໃນໄລຍະຜ່ານມາ
ແລະໄດ້ກວດກາການຈັດຕັ້ງປະຕິບັດ 7 ລະບອບ 18 ວຽກຂອງກອງທັບ, ວຽກງານປ້ອງກັນຊາດ-ປ້ອງກັນຄວາມສະຫງົບຂອງກົມກອງຕື່ມອີກ.
ນອກຈາກນີ້ກໍ່ໄດ້ໄປກວດກາເບິ່ງໂຄງການການກໍ່ສ້າງຫ້ອງການ, ເຮືອນນອນ, ເຮືອນກິນເຂົ້າລວມ ແລະສະໂມສອນ ເຊິ່ງເປັນຕຶກກໍ່ສ້າງແບບຖາວອນ
ຕາມມາດຕະຖານ ແລະໂຄງການດັ່ງກ່າວນີ້ ແມ່ນທຶນຮອນຂອງກະຊວງປ້ອງກັນປະເທດ ເພື່ອກໍ່ສ້າງແບບແໜ້ນໜາຖາວອນ ໂດຍຈະກວດກາກ່ຽວກັບຄຸນ
ນະພາບໃນ ການກໍ່ສ້າງຕາມມາດຕະຖານ, ຕາມສັນຍາ ເຊິ່ງແມ່ນບໍລິສັດພວງເພັດເປັນຜູ້ຮັບເໝົາກໍ່ສ້າງທັງໝົດ ໂດຍການກໍ່ ສ້າງແມ່ນໃຫ້ເລັ່ງລັດກໍ່ສ້າງ
ຕາມແຜນການ ແລະໃຫ້ສຳເລັດໃນການກໍ່ສ້າງຕາມສັນຍາ ແລະຕາມຂໍ້ຕົກລົງຂອງ ກະຊວງປ້ອງກັນປະເທດ.