ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ກອງປະຊຸມສະຫຼຸບວຽກງານ ວິທະຍາສາດ-ປະຫວັດສາດ ການທະຫານ ທົ່ວກອງທັບ ຄັ້ງທີ III


ພົນຕີ ວິໄລ ຫຼ້າຄຳຟອງ ເຂົ້າຮ່ວມເປັນປະທານກອງປະຊຸມ ສະຫຼຸບວຽກງານ ວິທະຍາສາດ-ປະຫວັດສາດ ການທະຫານ ທົ່ວກອງທັບ ຄັ້ງທີ III

     ໃນຕອນເຊົ້າຂອງວັນທີ 20 ກໍລະກົດ 2017 ນີ້, ໄດ້ຈັດຕັ້ງເປີດກອງປະຊຸມສະຫຼຸບວຽກງານວິທະຍາສາດ-ປະຫວັດສາດ ການທະຫານ ທົ່ວກອງທັບ
ຄັ້ງທີ III ຂຶ້ນຢ່າງເປັນທາງການ ຢູ່ທີ່ສະໂມສອນກົມໃຫຍ່ເສນາທິການກອງທັບ. ໂດຍໃຫ້ກຽດເຂົ້າຮ່ວມເປັນປະທານ ແລະ ກ່າວໄຂກອງປະຊຸມຂອງ ທ່ານ
ພົນຕີ ວິໄລ ຫຼ້າຄຳຟອງ ເລຂາທິການສູນກາງພັກ ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ການເມືອງກອງທັບ, ປະທານສະພາວິທະຍາ
ສາດການທະຫານ, ມີທ່ານ ພັນເອກ ວຽງໄຊ ສົມວິຈິດ ຫົວໜ້າກົມ ວິທະຍາສາດ-ປະຫວັດສາດ ການທະຫານ, ມີບັນດາກົມໃຫຍ່, ກົມກອງອ້ອມຂ້າງກະ
ຊວງປ້ອງກັນປະເທດ, ວິທະຍາຄານ ແລະ ໂຮງຮຽນ, ກອງພົນ, ກອງພັນໃຫຍ່ ແລະ ກອງບັນຊາການທະຫານແຂວງ, ກະຊວງປ້ອງກັນຄວາມສະຫງົບ, ພະ
ນັກງານອາວຸໂສ ພ້ອມດ້ວຍພະນັກງານ-ນັກຮົບພາຍໃນກົມເຂົ້າຮ່ວມຢ່າງພ້ອມພຽງ.


ພັນເອກ ວຽງໄຊ ສົມວິຈິດ ຂຶ້ນຜ່ານບົດສະຫຼຸບວຽກງານວິທະຍາສາດ-ປະຫວັດສາດ ການທະຫານ ທົ່ວກອງທັບ ແລະ ວາງທິດທາງແຜນການດຳເນີນວຽກງານວິທະຍາສາດ-ປະຫວັດສາດ ການທະຫານ

     ໂອກາດນີ້, ພັນເອກ ວຽງໄຊ ສົມວິຈິດ ຫົວໜ້າກົມ ວິທະຍາສາດ-ປະຫວັດສາດ ການທະຫານ ກໍ່ໄດ້ຂຶ້ນຜ່ານບົດສະຫຼຸບຕີລາຄາການຈັດຕັ້ງປະຕິບັດ
ວຽກງານວິທະຍາສາດ-ປະຫວັດສາດ ການທະຫານ ທົ່ວກອງທັບ ໄລຍະ 5 ປີຜ່ານມາ ( 2012-2017 ) ແລະ ວາງທິດທາງແຜນການດຳເນີນງານວິທະ
ຍາສາດ-ປະຫວັດສາດ ການທະຫານ ໃນຊຸມປີຕໍ່ໜ້າ ( 2017-2022 ). ເຊິ່ງທ່ານໄດ້ຍົກໃຫ້ເຫັນເຖີງຈຸດພິເສດສະພາບການທີ່ພົວພັນເຖິງວຽກງານວິທະ
ຍາສາດ-ປະຫວັດສາດ ການທະຫານ ໃນຊຸມປີຜ່ານມາ, ບາງບັນຫາທີ່ພົ້ນເດັ່ນ ແລະ ໄດ້ຮັບການຈັດຕັ້ງປະຕິບັດຜ່ານມາ ກໍ່ຄືການຊີ້ນຳ-ນຳພາຂອງຄະນະ
ພັກ-ຄະນະກົມ, ການ​ຊີ້​ນຳ​ຕໍ່​ວຽກ​ງານ​ວິຊາ​ສະ​ເພາະ ເປັນຕົ້ນແມ່ນວຽກ​ງານ​ປະຫວັດສາດ, ວຽກ​ງານ​ວິທະຍາສາດເຕັກ​ໂນ​ໂລ​ຊີ​ ແລະ ສິ່ງແວດລ້ອມ, ວຽກ
​ງານ​ຍຸດ​ທະ​ສາດ​ການ​ທະຫານ, ດ້ານວຽກ​ງານ​ຂໍ້​ມູນ-ຂ່າວສານ, ວຽກງານພົວພັນຕ່າງປະເທດ ແຕ່ລະວຽກງານແມ່ນໄດ້​​ເຄື່ອນ​ໄຫວ​ຕາມ​ພາລະ​ບົດບາດ. ສຳ
ລັບທິດທາງແຜນການວຽກງານວິທະຍາສາດ-ປະຫວັດສາດ ການທະຫານ ປີ 2017-2022 ແມ່ນຈະໄດ້ສືບຕໍ່ຢຶດໝັ້ນແນວທາງການທະຫານປ້ອງກັນຊາດ
ຂອງພັກ, ບົນຈິດໃຈສູ້ຊົນຈັດຕັ້ງ ປະຕິບັດມະຕິກອງປະຊຸມໃຫຍ່ຄັ້ງທີ X ຂອງພັກ, ມະຕິກອງປະຊຸມໃຫຍ່ຄັ້ງທີ IV ຂອງ​ອົງຄະນະ​ພັກ​ກະຊວງ​ປ້ອງ​ກັນ​ປະ
​ເທດ ​ແລະ​ ມະຕິ​ກອງ​ປະຊຸມ​ໃຫຍ່​ຄັ້ງ​ທີ III ຂອງ​ຄະນະ​ພັກ​ຮາກ​ຖານ​ກົມ ​ວິທະຍາສາດ-ປະຫວັດສາດ ​ການ​ທະຫານ. ນອກຈາກນັ້ນ, ພະນັກງານອາວຸໂສ, ຕາງໜ້າກອງບັນຊາການຕ່າງໆກໍ່ໄດ້ຜັດປ່ຽນກັນຂຶ້ນປະກອບຄຳເຫັນໃສ່ບົດສະຫຼຸບຢ່າງກົງໄປກົງມາ ຊຶ່ງໄດ້ຍົກໃຫ້ເຫັນເຖີງຂໍ້ສະດວກ, ຂໍ້ຫຍຸ້ງຍາກ, ບົດ
ຮຽນທີ່ຖອດຖອນໄດ້ ແລະ ສະເໜີບັນຫາເຈາະຈິ້ມທີ່ຕົນສົນໃຈ ໃຫ້ມີບັນຍາກາດ ແລະ ມີເນື້ອໃນ ເພື່ອເປັນບ່ອນອີງເຮັດໃຫ້ເນື້ອໃນອຸດົມສົມບູນ, ຄົບ
ຖ້ວນ ແລະ ພ້ອມກັນດັດແກ້, ດັດປັບໃຫ້ຖືກຕ້ອງ ແລະ ສອດຄ່ອງກັບພາລະບົດບາດໜ້າທີ່ຂອງກົມກອງຕົນເອງ.


ພົນຈັດຕະວາ ແກ່ນສີ ມະນີວົງ ຂຶ້ນປະກອບຄຳເຫັນຕໍ່ກອງປະຊຸມ


ພົນຕີ ພອນໄຊ ຈະເລີນສຸກ ຂຶ້ນປະກອບຄຳເຫັນຕໍ່ກອງປະຊຸມ


ພາບລວມບັນຍາກາດພາຍໃນກອງປະຊຸມສະຫຼຸບວຽກງານ ວິທະຍາສາດ-ປະຫວັດສາດ ການທະຫານ ທົ່ວກອງທັບ ຄັ້ງທີ III