ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ສະຫາຍ ພົນຈັດຕະວາ ສອນທອງ ພົມລາວົງ ຕ້ອນຮັບຄະນະຜູ້ແທນ
ກົມໂຄສະນາອົບຮົມ ກົມໃຫຍ່ການເມືອງກອງທັບປະຊາຊົນ ຫວຽດນາມ

     ໃນວັນທີ 16 ພຶດສະພາ ນີ້, ຢູ່ທີ່ຫ້ອງຮັບແຂກກົມພົວພັນຕ່າງປະເທດ ສະຫາຍ ພົນຈັດຕະວາ ສອນທອງ ພົມລາວົງ ກຳມະການຄະນະພັກກະຊວງປ້ອງ
ກັນປະເທດ ຮອງຫົວໜ້າກົມໃຫຍ່ການເມືອງກອງທັບປະ ຊາຊົນລາວ ໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບຂອງຄະນະຜູ້ແທນກົມໂຄສະນາອົບຮົມກົມ
ໃຫຍ່ການ ເມືອງກອງທັບປະຊາຊົນຫວຽດນາມ ເຊິ່ງນຳໂດຍ ສະຫາຍ ພົນຈັດຕະວາ ຫງວຽນ ເຟືອງຢ້ຽນ ຮອງຫົວໜ້າກົມໂຄສະນາອົບຮົມ ກົມໃຫຍ່ການ
ເມືອງກອງທັບປະຊາຊົນຫວຽດນາມ ໃນໂອກາດທີ່ເດີນທາງມາຢ້ຽມຢາມ ແລະ ເຮັດວຽກຢູ່ລາວ ໃນລະຫວ່າງວັນທີ 15-17 ພຶດສະພາ 2017 ນີ້.


ສະຫາຍ ພົນຈັດຕະວາ ສອນທອງ ພົມລາວົງ ຕ້ອນຮັບຄະນະຜູ້ແທນ ກົມໂຄສະນາອົບຮົມ ກົມໃຫຍ່ການເມືອງກອງທັບປະຊາຊົນ ຫວຽດນາມ

     ໃນໂອກາດນີ້ ສະຫາຍ ພົນຈັດຕະວາ ສອນທອງ ພົມລາວົງ ກໍໄດ້ສະແດງຄວາມຕ້ອນຮັບຢ່າງອົບອຸ່ນສະໜິດສະໜົມ ພ້ອມຕີລາຄາສູງຕໍ່ການເດີນທາງ
ມາຢ້ຽມຢາມ ແລະ ເຮັດວຽກຢູ່ ສປປ ລາວ ຂອງຄະນະຜູ້ແທນກົມໂຄສະນາອົບຮົມ ກົມໃຫຍ່ການເມືອງກອງທັບປະຊາຊົນຫວຽດນາມໃນຄັ້ງນີ້, ເຊິ່ງເປັນ
ການເສີມສ້າງມິດຕະພາບຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງສອງຊາດ, ສອງກອງທັບ ລາວ-ຫວຽດນາມ ທີ່ມີມູນເຊື້ອມາແຕ່ດົນ
ນານແລ້ວນັ້ນໃຫ້ແໜ້ນແຟ້ນ ແລະ ເລິກເຊິ່ງຍິ່ງຂຶ້ນ ໂດຍສະເພາະແມ່ນຈະເຮັດໃຫ້ການສະເຫຼີມສະຫຼອງປີສາມັກຄີມິດຕະພາບໃນປີ 2017 ນີ້ ມີຄວາມ
ໝາຍເນື້ອໃນອັນໜັກແໜ້ນ ແລະ ອວຍພອນໃຫ້ສະຫາຍ ພົນຈັດຕະວາ ຫງວຽນ ເຟືອງ ຢ້ຽນ ພ້ອມຄະນະຈົ່ງປະສົບຜົນສຳເລັດໃນການມາຢ້ຽມຢາມລາວ
ໃນຄັ້ງນີ້.

     ສະຫາຍ ພົນຈັດຕະວາ ຫງວຽນ ເຟືອງຢ້ຽນ ກໍໄດ້ກ່າວສະແດງຄວາມຂອບໃຈຕໍ່ສະຫາຍຮອງຫົວໜ້າກົມໃຫຍ່ການເມືອງກອງທັບ ທີ່ໄດ້ໃຫ້ການ
ຕ້ອນຮັບຢ່າງອົບອຸ່ນ ແລະ ໄດ້ລາຍງານກ່ຽວກັບຈຸດປະສົງໃນການເດີນທາງມາຢ້ຽມຢາມລາວໃນຄັ້ງນີ້, ພ້ອມທັງໄດ້ຍົກໃຫ້ເຫັນຜົນສຳເລັດໃນການປະຕິ
ບັດແຜນການຮ່ວມມືໃນຕະຫຼອດໄລຍະຜ່ານມາຂອງສອງກົມໂຄສະນາອົບຮົມ ກົມໃຫຍ່ການເມືອງກອງທັບ ຫວຽດນາມ-ລາວ ເຊິ່ງມີຫຼາຍດ້ານທີ່ພົ້ນເດັ່ນ
ເປັນຕົ້ນແມ່ນການກໍ່ສ້າງພະນັກງານ ແລະ ການຊ່ວຍເຫຼືອໃນທາງດ້ານເຕັກນິກ ແລະ ອື່ນໆທີ່ທັງສອງກົມໂຄສະນາອົບຮົມໄດ້ຈັດຕັ້ງປະຕິບັດຮ່ວມກັນໃນ
ໄລຍະທີ່ຜ່ານມາ.