ກົມ ວິທະຍາສາດ-ປະຫວັດສາດ ການທະຫານ ປະກາດຮອງເລຂາຄະນະພັກຮາກຖານ
ໃນວັນທີ 14 ກຸມພາ 2017 ນີ້, ກົມ ວິທະຍາສາດ-ປະຫວັດສາດ ການທະຫານ ໄດ້ຈັດພິທີປະກາດຮອງເລຂາຄະນະພັກຮາກຖານຂຶ້ນ. ໃຫ້ກຽດເຂົ້າ
ຮ່ວມເປັນປະທານໂດຍແມ່ນ ທ່ານ ພົນຈັດຕະວາ ວໍ ລະສານ ວິລັດດາວົງ ຄະນະພັກກະຊວງ, ຫົວໜ້າກົມຈັດຕັ້ງພັກ, ກົມໃຫຍ່ການເມືອງກອງທັບ. ມີຄະ
ນະພັກ-ຄະນະບັນຊາ, ພະນັກງານ, ສະມາຊິກພັກສົມບູນ, ສຳຮອງເຂົ້າຮ່ວມ.
ພົນຈັດຕະວາ ວໍລະສານ ວິລັດດາວົງ ເປັນປະທານພິທີປະກາດຮອງເລຂາຄະນະພັກຮາກຖານ
ສະຫາຍ ພັນໂທ ໃຈເພັດ ວົງແສນສົມ ຫົວໜ້າພະແນກ, ຄະນະພັກກົມຈັດຕັ້ງພັກກົມໃຈກາງເມືອງກອງທັບ ໄດ້ຂຶ້ນຜ່ານມະຕິຕົກລົງຂອງກະຊວງ
ປ້ອງກັນປະເທດ ສະບັບເລກທີ 4992/ຄພກປທ ລົງວັນທີ 08/12/2016 ວ່າດ້ວຍການບົ່ງຕົວແຕ່ງຕັ້ງປ່ຽນແທນຮອງເລຂາຄະນະພັກຮາກຖານ ກົມ ວິ
ທະຍາສາດ-ປະຫວັດສາດ ການທະຫານ ບົ່ງຕົວແຕ່ງຕັ້ງ ສະຫາຍ ພັນເອກ ວິຊຽນ ສີສະອາດ ເປັນຮອງເລຂາຄະນະພັກຮາກຖານ ປ່ຽນແທນ ສະຫາຍ ພັນ
ເອກ ວຽງໄຊ ສົມວິຈິດ ຮັບໜ້າທີ່ຂຶ້ນເປັນເລຂາຄະນະພັກຮາກຖານ.
ໂອກາດນີ້, ທ່ານ ພົນຈັດຕະວາ ວໍລະສານ ວິລັດດາວົງ ຄະນະພັກກະຊວງ ຫົວໜ້າກົມຈັດຕັ້ງພັກ ກົມໃຫຍ່ການເມືອງກອງທັບ ກໍ່ໄດ້ໂອ້ລົມຊີ້ນຳຕື່ມ
ຕໍ່ວຽກງານພັກ ເພື່ອໃຫ້ຮັກສາໄດ້ຄວາມສາມັກຄີເປັນປຶກແຜ່ນແໜ້ນໜາ, ສ້າງໄດ້ພະນັກງານສືບທອດປ່ຽນແທນ, ພະນັກງານທີ່ມີຄວາມຮູ້ຄວາມສາມາດ,
ສາມາດເປັນກຳລັງແຮງສູ້ຮົບຂອງພັກໃນຂົງເຂດວຽກງານທີ່ຕົນຮັບຜິດຊອບ ເພື່ອເຮັດໃຫ້ວຽກງານວິທະຍາສາດມີຄຸນນະພາບ ແລະມີປະສິດທິຜົນດີຂຶ້ນ
ເລື້ອຍໆ.