ຄະນະນຳ ແລະຕາງໜ້າອົງການຈັດຕັ້ງມະຫາຊົນ
ກະຊວງປ້ອງກັນປະເທດອວຍພອນອະດີດການນຳ ແລະພະນັກງານປະຕິວັດອາວຸໂສ
ໃນໂອກາດກະກຽມສະເຫຼີມ ສະຫຼອງວັນສ້າງຕັ້ງກອງທັບປະຊາຊົນລາວ, ຄົບຮອບ 68 ປີ (20 ມັງກອນ 1949-20 ມັງກອນ 2017) ທີ່ຈະມາເຖິງ
ນີ້ໃຫ້ເຕັມໄປດ້ວຍຄວາມໝາຍສຳຄັນ ແລະມີເນື້ອໃນອັນເລິກເຊິ່ງ ກະຊວງປ້ອງກັນປະເທດ ໄດ້ຈັດຕັ້ງຄະນະນຳຂອງຕົນ ເຂົ້າອວຍພອນອະດີດການນຳ
ພັກ-ລັດ, ພະນັກງານປະຕິວັດອາວຸໂສບຳນານ, ໃນວັນທີ 16 ມັງກອນ 2017 ນີ້, ເຊິ່ງໄດ້ເຂົ້າອວຍພອນ ທ່ານ ພົນເອກ ສີສະຫວາດ ແກ້ວບຸນພັນ ອະດີດ
ກຳມະການກົມການເມືອງສູນກາງພັກ, ຜູ້ຮ່ວມກໍ່ສ້າງກອງຮ້ອຍລາດຊະວົງໃນເມື່ອກ່ອນກໍຄື ກອງທັບປະຊາຊົນລາວໃນປັດຈຸບັນ, ນຳໂດຍ ທ່ານ ພົນຕີ ແອສະໄໝ ເລືອງວັນໄຊ ຄະນະປະຈຳພັກ, ຮອງລັດຖະມົນຕີກະຊວງປ້ອງກັນປະເທດ. ສ່ວນເຂົ້າອວຍພອນທ່ານ ພົນໂທ ໄອ່ ສຸລິຍະແສງ ອະດີດ ຮອງລັດ
ຖະມົນຕີກະຊວງປ້ອງກັນປະເທດ, ອະດີດຫົວໜ້າກົມໃຫຍ່ເສນາທິການກອງທັບ, ນຳໂດຍສະຫາຍພົນຕີ ອ່ອນສີ ແສນສຸກ ຄະນະປະຈຳພັກ, ຮອງລັດຖະ
ມົນຕີກະຊວງປ້ອງກັນປະເທດ ພ້ອມຄະນະ.
່
ໃນໂອກາດນີ້ ຄະນະນຳກະຊວງປ້ອງກັນປະເທດ ໄດ້ຕາງໜ້າໃຫ້ແກ່ຄະນະພັກ-ຄະນະບັນຊາ ນາຍ ແລະພົນທະຫານໃນ ທົ່ວກອງທັບປະຊາຊົນລາວ,
ອວຍພອນໄຊອັນປະເສີດແດ່ອະດີດການນຳພັກ-ລັດ, ອະດີດຄະນະນຳກຳລັງປ້ອງກັນຊາດ, ພະນັກງານປະຕິວັດອາວຸໂສບຳນານ ທີ່ໄດ້ມີຜົນງານ ແລະຄຸນ
ງາມຄວາມດີ, ເປັນແບບຢ່າງໃນການຊີ້ນຳ-ນຳພາກອງທັບປະຊາຊົນລາວໃນຕະຫຼອດ ໄລຍະທີ່ ຜ່ານມາ, ພ້ອມທັງໄດ້ຕັ້ງໜ້າໃນ ການພັດທະນາກອງທັບ
ໃຫ້ໜັກແໜ້ນເຂັ້ມແຂງເປັນກ້າວໆມາຄື ດັ່ງທຸກມື້ນີ້, ທັງໝົດນັ້ນລ້ວນແຕ່ ແມ່ນການປະກອບສ່ວນອັນໃຫຍ່ຫຼວງຂອງບັນດາທ່ານ, ສະນັ້ນ ໃນໂອກາດ
ສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 68 ປີ ເຊິ່ງຄະນະນຳ ກະຊວງປ້ອງກັນປະເທດ ກໍໄດ້ກ່າວຄຳອວຍພອນໃຫ້ແກ່ທັງ ສອງທ່ານ
ຈົ່ງມີສຸຂະພາບເຂັ້ມແຂງ, ມີອາຍຸໝັ້ນຂວັນຍືນ, ສືບຕໍ່ຊີ້ນຳ-ນຳພາ ແລະພັດທະນາ ກອງທັບໃຫ້ນັບມື້ໜັກແໜ້ນ ແລະເຕີບໃຫຍ່ເຂັ້ມແຂງ ເຮັດສຳເລັດ
ໜ້າທີ່ຂອງຕົນທີ່ພັກ-ລັດປະເທດຊາດ ແລະປະຊາຊົນມອບໝາຍໃຫ້.