ສະຫາຍ ພົນເອກ ຈັນສະໝອນ ຈັນຍາລາດ ຕ້ອນຮັບ
ປະທານຄະນະບໍລິຫານງານສູນກາງສະຫະພັນກຳມະບານລາວ

ສະຫາຍ ພົນເອກ ຈັນສະໝອນ ຈັນຍາລາດ ກໍາມະການກົມການ ເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ
ໄດ້ຕ້ອນຮັບ ການເຂົ້າພົບປະຂອງສະຫາຍ ນາງ ອາລີ ວົງໜໍ່ບຸນທໍາ ກໍາມະການສູນກາງພັກ

     ວັນທີ 11 ສິງຫາ 2022 ນີ້, ສະຫາຍ ພົນເອກ ຈັນສະໝອນ ຈັນຍາລາດ ກໍາມະການກົມການ ເມືອງສູນກາງພັກ, ຮອງນາຍົກລັດຖະມົນຕີ, ລັດຖະ
ມົນຕີກະຊວງປ້ອງກັນປະເທດ ໄດ້ຕ້ອນຮັບ ການເຂົ້າພົບປະຂອງສະຫາຍ ນາງ ອາລີ ວົງໜໍ່ບຸນທໍາ ກໍາມະການສູນກາງພັກ ປະທານຄະນະບໍລິຫານງານສູນ
ກາງສະຫະພັນກຳມະບານລາວ ພ້ອມດ້ວຍຄະນະ ໃນໂອກາດມາຢ້ຽມຢາມ ແລະ ເຮັດວຽກຮ່ວມກັບຫ້ອງການກໍາມະບານກະຊວງປ້ອງກັນປະເທດ.

     ສະຫາຍ ນາງ ອາລີ ວົງໜໍ່ບຸນທໍາ ໄດ້ລາຍງານຈຸດປະສົງຂອງການມາຢ້ຽມຢາມແລະ ເຮັດວຽກຮ່ວມກັບຫ້ອງການກໍາມະບານ ກະຊວງປ້ອງກັນປະເທດ
ໃນຄັ້ງນີ້, ເປັນການປະຕິບັດຕາມແຜນການເຄື່ອນໄຫວແລກປ່ຽນຖອດຖອນບົດຮຽນ, ເກັບກໍາຜົນງານການເຄື່ອນໄຫວຂອງສະຫະພັນກຳມະບານກະຊວງ
ຕ່າງໆໂດຍສະເພາະແມ່ນ ກະຊວງ ປ້ອງກັນປະເທດ, ພ້ອມທັງໄດ້ຍົກໃຫ້ເຫັນພາລະບົດບາດຂອງສູນກາງສະຫະພັນກຳມະບານລາວເຊິ່ງມີໜ້າທີ່ໂຄສະນາສຶກ
ສາອົບການເມືອງແນວຄິດໃຫ້ສະມາຊິກກຳມະບານ, ກຳມະກອນ, ຊາວຜູ້ອອກ ແຮງງານເຊື່ອມຊຶມເຂົ້າໃຈແຈ້ງຕໍ່ແນວທາງນະໂຍບາຍຂອງພັກ, ກົດໝາຍ
ຂອງລັດ, ມີພາລະບົດບາດໃນການປົກປ້ອງສິດຜົນປະໂຫຍດອັນຊອບທໍາຂອງສະມາຊິກກຳມະບານ-ກຳມະກອນ-ຊາວຜູ້ອອກແຮງງານ ແລະ ປະກອບສ່ວນ
ເຂົ້າຮ່ວມໃນການຄຸ້ມຄອງລັດ-ຄຸ້ມຄອງສັງຄົມ, ພ້ອມກັນນັ້ນ, ກໍໄດ້ປຶກສາຫາລື ວຽກງານກໍາມະບານຂອງກະຊວງປ້ອງກັນປະເທດ ເປັນຕົ້ນແມ່ນ ການຍົກ
ລະດັບພາລະບົດບາດຂອງຫ້ອງການກຳມະບານກະຊວງປ້ອງກັນປະເທດ, ການຂະຫຍາຍກົງຈັກການຈັດຕັ້ງ ຂອງສະຫະພັນກຳມະບານ, ຂະຫຍາຍສະມາຊິກ
ກຳມະບານ ແລະ ຂົງເຂດວຽກງານທີ່ປິ່ນອ້ອມ ວຽກງານກຳມະບານຂອງກະຊວງປ້ອງກັນປະເທດ. ສະຫາຍລັດຖະມົນຕີກະຊວງປ້ອງກັນປະເທດ ໄດ້ມີຄໍາ
ເຫັນວ່າ: ອົງການຈັດຕັ້ງກໍາມະບານລາວໄດ້ປະກອບສ່ວນເຂົ້າໃນການເຮັດໃຫ້ປະເທດຊາດມີຄວາມສະຫງົບ, ມີສະ ຖຽນລະພາບ ແລະ ມີການພັດທະນາ,
ພ້ອມກັນນັ້ນ, ກໍໄດ້ເນັ້ນໃຫ້ອົງການຈັດຕັ້ງກຳມະບານລາວສືບຕໍ່ຊີ້ນໍາ-ນໍາພາ ເຄື່ອນໄຫວວຽກງານຕາມພາລະບົດຂອງຕົນໃນການເປັນຕົວແທນ ປົກປ້ອງ
ສິດຜົນປະໂຫຍດອັນຊອບທໍາ, ສຶກສາອົບຮົມ, ເຕົ້າໂຮມຄວາມສາມັກຄີຂອງສະມາຊິກກຳມະບານ, ກຳມະກອນ ແລະ ຊາວຜູ້ອອກແຮງງານ ໃຫ້ປະຕິບັດ
ຕາມກົດໝາຍ, ລັດຖະທໍາມະນູນ ແລະ ແນວທາງນະໂຍບາຍຂອງພັກ, ສືບຕໍ່ປັບປຸງການຈັດຕັ້ງກຳມະບານແຕ່ລະຂັ້ນໃຫ້ໜັກແໜ້ນເຂັ້ມແຂງ, ສ່ວນການ
ຂະຫຍາຍການຈັດຕັ້ງກຳມະບານຕ້ອງໃຫ້ສອດຄ່ອງກັບພາລະບົດບາດ ແລະ ໜ້າທີ່ການເມືອງຕົວຈິງ, ການຂະຫຍາຍສະມາຊິກກຳມະບານ ຕ້ອງປະຕິບັດ
ຕາມລະບຽບຫຼັກການຢ່າງເຂັ້ມງວດ, ຮັບປະກັນໃຫ້ມີລັກຊະນະຊົນຊັ້ນ, ລັກສະນະພັກ, ລັກສະນະອອກແຮງງານ.

     ສະຫາຍຍັງໄດ້ສະເໜີໃຫ້ສູນກາງສະຫະພັນກຳມະບານລາວລົງຢ້ຽມຊົມຕົວຈິງບັນດາໂຮງຈັກ, ໂຮງງານ, ໂຮງຮຽນ, ໂຮງໝໍຂອງກອງທັບ ທີ່ມີສະມາ
ຊິກກຳມະບານເຄື່ອນໄຫວຢູ່ນໍາ ແລະ ຊີ້ນໍາວຽກງານຕົວຈິງໃຫ້ສອດຄ່ອງກັນ.

ແຫຼ່ງທີ່ມາ: ນາງ ຍ້ອມເພັດ ວິໄລພັນ
ວັນທີ 16/08/2022