ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ກວດກາການສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ຢູ່ໂຮງຮຽນ 307

     ວັນທີ 14 ສິງຫາ 2018 ນີ້, ຄະນະກວດກາການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ຂອງກົມໃຫຍ່ເສນາທິການກອງທັບ ເຊິ່ງນໍາໂດຍ
ສະຫາຍ ພົນຈັດຕະວາ ພອນໃຈ ພັນທະວົງ ຄະນະພັກກົມໃຫຍ່ເສນາທິການ ຫົວໜ້າກົມກົດລັບ ພ້ອມດ້ວຍຄະນະໄດ້ລົງກວດກາການກໍ່ສ້າງກອງປອດ
ໃສ ເຂັ້ມແຂງ ໜັກແໜ້ນຢູ່ໂຮງຮຽນ 307 ໂດຍມີຄະນະພັກ-ຄະນະອໍານວຍການ ພ້ອມດ້ວຍພະນັກງານພະແນກການທີ່ກ່ຽວຂ້ອງເຂົ້າຮ່ວມ.


ພົນຈັດຕະວາ ພອນໃຈ ພັນທະວົງ ລົງກວດກາການກໍ່ສ້າງກອງປອດໃສເຂັ້ມແຂງໜັກແໜ້ນຢູ່ໂຮງຮຽນ 307

     ພັນໂທ ແພງທອງ ແພງສຸຫວັນ ຫົວໜ້າການເມືອງໂຮງຮຽນ 307 ໄດ້ຕາງໜ້າຄະນະພັກຄະນະອໍານວຍການໂຮງຮຽນລາຍງານການຈັດຕັ້ງເຄື່ອນໄຫວ
ກໍ່ສ້າງກອງປອດໃສ ເຂັ້ມແຂງ ໜັກແໜ້ນ ໃນໄລຍະ 1 ປີ ຜ່ານມາ ເຊິ່ງໄດ້ຍົກໃຫ້ເຫັນຜົນສໍາເລັດທີ່ພົ້ນເດັ່ນໃນແຕ່ລະດ້ານທີ່ກົມກອງຍາດມາໄດ້ ໃນນີ້
ຄະນະພັກ-ຄະນະອໍານວຍການໂຮງຮຽນໄດ້ເອົາໃຈໃສ່ຊີ້ນໍາ-ນໍາພາສຶກສາອົບຮົມການເມືອງ, ນໍາພາແນວຄິດພະນັກງານສະມາຊິກພັກຢູ່ໃນກົມກອງໄດ້ເຊື່ອມ
ຊຶມກໍາແໜ້ນຕໍ່ແນວທາງນະໂຍບາຍຂອງພັກ ກໍຄືທິດທາງແຜນການປັບປຸງກໍ່ສ້າງກົມໜ່ວຍພັກປອດໃສ ເຂັ້ມແຂງ ໜັກແໜ້ນຂອງຄະນະພັກຮາກຖານໂຮງ
ຮຽນວາງອອກເຮັດໃຫ້ພະນັກງານ-ນັກຮົບມີຄວາມຕື່ນຕົວປະກອບສ່ວນເຂົ້າໃນທຸກວຽກງານຂອງກົມກອງ, ມີສະຕິຕໍ່ການຈັດຕັ້ງ, ເຄົາລົບລະບຽບ ກົດ
ໝາຍ, ຕື່ນຕົວປະຕິບັດມະຕິຄໍາສັ່ງ, ມີຄວາມກະຕືລືລົ້ນຕໍ່ໜ້າທີ່ວຽກງານ, ສະກັດກັ້ນ ແລະ ຕ້ານປະກົດການຫຍໍ້ທໍ້ຢູ່ພາຍໃນໄດ້ 100%, ເອົາໃຈໃສ່ສືບ
ຕໍ່ເຮັດໜ້າທີ່ການເມືອງຂອງກົມກອງໃນການກໍ່ສ້າງນັກວິຊາສະເພາະກົດລັບລະບົບຕໍ່ເນື່ອງຊຸດທີ 3 ແລະ ກໍ່ສ້າງຊັ້ນກາງຊຸດທີ່ 6 ແລະ ນໍາພາບັນດາພະແນກ
ການ, ກອງພັນ 302 ເຮັດໜ້າທີ່ວິຊາສະເພາະປະສົບຜົນສໍາເລັດ ນອກນີ້ຄະນະພັກ-ຄະນະອໍານວຍການຍັງໄດ້ເອົາໃຈໃສ່ຄຸ້ມຄອງລາຍຮັບ, ລາຍຈ່າຍງົບປະ
ມານຂອງກົມກອງຢ່າງຖືກຕ້ອງ ແລະ ເຂັ້ມງວດ, ຮັບປະກັນແກ້ໄຂຊີວິດການເປັນຢູ່ຂອງພະນັກງານ-ນັກຮົບໃຫ້ດີຂຶ້ນ, ຊອກຫາແຫຼ່ງລາຍຮັບເຂົ້າກົມກອງ
ຕາມເງື່ອນໄຂ ແລະ ຄວາມສາມາດໃນສົກປີ 2017-2018 ສາມາດສ້າງລາຍຮັບເຂົ້າກົມກອງຈາກການປູກຝັງ-ລ້ຽງສັດ, ການບໍລິການ ແລະ ອື່ນໆໄດ້
353.558.000 ກີບ ສະເລ່ຍໃສ່ຫົວຄົນໄດ້ 1.473.159 ກີບຕໍ່ຄົນຕໍ່ປີ, ປັບປຸງກໍ່ສ້າງພື້ນຖານໂຄງລ່າງຈໍານວນໜຶ່ງຄື: ກໍ່ສ້າງເຮືອນນອນໂສດ 1 ຫຼັງສໍາ
ເລັດ 60%, ສ້າງປ້າຍປາໂນຄໍາຂວັນ ໄດ້ 5 ປ້າຍ, ສ້າງຫໍຂ່າວນັກຮຽນ 3 ຫຼັງ ແລະ ປັບປຸງປົວແປງສະຖານທີ່ຕ່າງໆຢູ່ພາຍໃນຄ້າຍຄູໃຫ້ມີຄວາມສວຍງາມ.