ລັດຖະມົນຕີກະຊວງປ້ອງກັນປະເທດ ຕ້ອນຮັບປະທານບໍລິສັດນໍຣິນໂກ ກຣຸບ ສປ ຈີນ
ໃນຕອນບ່າຍຂອງວັນທີ 13 ພະຈິກ 2017 ນີ້, ຢູ່ທີ່ຫ້ອງຮັບແຂກກະຊວງປ້ອງກັນປະເທດ ທ່ານ ພົນໂທ ຈັນສະໝອນ ຈັນຍາລາດ ລັດຖະມົນຕີກະ
ຊວງປ້ອງກັນປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂ່ຳນັບຂອງ ທ່ານ ເຫວີ່ນກ່າງ ປະທານບໍລິສັດ ນໍຣິນໂກກຣຸບ ສປ ຈີນ ພ້ອມດ້ວຍຄະນະ,
ເນື່ອງໃນໂອກາດທີ່ ທ່ານ ສ ີຈີ້ນຜິງ ປະທານປະເທດແຫ່ງ ສປ ຈີນ ເດີນທາງມາຢ້ຽມຢາມ ສປປ ລາວ ຢ່າງເປັນທາງການ.
ພົນໂທ ຈັນສະໝອນ ຈັນຍາລາດ ຕ້ອນຮັບປະທານບໍລິສັດນໍຣິນໂກກຣຸບ ສປ ຈີນ
ທ່ານ ພົນໂທ ຈັນສະໝອນ ຈັນຍາລາດ ໄດ້ກ່າວຕ້ອນຮັບຢ່າງອົບອຸ່ນ ແລະ ປິຕິຍິນດີທີ່ພົບປະກັບປະທານບໍລິສັດ ນໍຣິນໂກກຣຸບ ແລະ ຄະນະຍັງໄດ້ຕີ
ລາຄາສູງຕໍ່ສາຍພົວພັນອັນດີງາມລະຫວ່າງສອງຊາດ ລາວ-ຈີນ ແລະ ໄດ້ເສີມຂະຫຍາຍສາຍພົວພັນອັນດີງາມລະຫວ່າງກອງທັບປະຊາຊົນລາວກັບບໍລິສັດ
ນໍຣິນໂກກຣຸບ ສປ ຈີນ, ທ່ານລັດຖະມົນຕີກະຊວງປ້ອງກັນປະເທດຍັງໄດ້ອວຍພອນໃຫ້ປະທານບໍລິສັດ ນໍຣິນໂກກຣຸບ ສປ ຈີນ ພ້ອມດ້ວຍຄະນະ ຈົ່ງມີສຸ
ຂະພາບເຂັ້ມແຂງ, ປະສົບຜົນສຳເລັດໃນການເຄື່ອນໄຫວເຮັດວຽກຢູ່ ສປປ ລາວ ໃນ ຄັ້ງນີ້.
ທ່ານ ເຫວີ່ນກ່າງ ປະທານບໍລິສັດ ນໍຣິນໂກກຣຸບ ສປ ຈີນ ກໍໄດ້ສະແດງຄວາມຂອບອົກຂອບໃຈຕໍ່ການຕ້ອນຮັບອັນອົບອຸ່ນຂອງ ທ່ານລັດຖະມົນຕີ
ກະຊວງປ້ອງກັນປະເທດ ແຫ່ງ ສປປ ລາວ ແລະ ຍັງໄດ້ໃຫ້ຄຳໝັ້ນສັນຍາວ່າຈະສືບຕໍ່ຊຸກຍູ້ສົ່ງເສີມໃນການພົວພັນສະໜັບສະໜູນກອງທັບປະຊາຊົນລາວ
ໃຫ້ມີຄວາມທັນສະໄໝ ແລະ ເຂັ້ມແຂງຍິ່ງໆຂຶ້ນ.