ການເຝິກຊ້ອມຂອງໜ່ວຍງານຜູ້ຊ່ຽວຊານດ້ານການຊ່ວຍເຫຼືອ
ມະນຸດສະທຳ ແລະ ບັນເທົາທຸກໄພພິບັດ ແລະ ແພດທະຫານ
ການເຝິກຊ້ອມສູນບັນຊາ ແລະພາກສະໜາມຂອງໜ່ວຍງານຜູ້ຊ່ຽວຊານດ້ານການຊ່ວຍເຫຼືອມະນຸດສະທຳ ແລະບັນເທົາທຸກໄພພິບັດ ແລະແພດທະ
ຫານ ໃນຂອບກອງປະຊຸມລັດຖະມົນຕີປ້ອງກັນປະເທດອາຊຽນ-ບວກ ຫຼື AM-HEx 2016 ໄດ້ຈັດຂຶ້ນທີ່ຄ້າຍມົນທົນທະຫານຮາບທີ 14, ແຂວງຊົນບູ
ລີ, ຣາຊະອານາຈັກໄທ ໃນລະຫວ່າງວັນທີ 1-11 ກັນຍາ 2016 ໂດຍການເປັນປະທານຮ່ວມຂອງກອງທັບປະຊາຊົນລາວ, ກອງທັບຍີ່ປຸ່ນໄທ ແລະຣັດເຊຍ.
ທ່ານ ພົນຕີ ອ່ອນສີ ແສນສຸກ ຫົວໜ້າຫ້ອງວ່າການກະຊວງປ້ອງກັນປະເທດ, ຫົວໜ້າເຈົ້າໜ້າທີ່ອາວຸໂສປ້ອງກັນປະເທດອາຊຽນຂອງ ສປປ ລາວ ພ້ອມ
ດ້ວຍຄະນະໄດ້ຮັບກຽດເຂົ້າຮ່ວມພິທີເປີດຂອງການເຝິກຊ້ອມໃນຄັ້ງນີ້ ເຊິ່ງໄດ້ຈັດຂຶ້ນໃນຕອນເຊົ້າຂອງວັນທີ 5 ກັນຍາ 2016 ຜ່ານມານີ້, ໃຫ້ກຽດເປັນ
ປະທານເປີດພິທີດັ່ງກ່າວ, ມີທ່ານ ພົນເອກ ປະວິດ ວົງສຸວັນ ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດແຫ່ງຣາຊະອານາຈັກໄທ. ນອກ
ຈາກນີ້ກໍຍັງມີແຂກກິດຕິມະສັກ, ບັນດາຫົວໜ້າເຈົ້າໜ້າທີ່ອາວຸໂສປ້ອງກັນປະເທດອາຊຽນ ແລະອາຊຽນ-ບວກ, ເອກອັກຄະລັດຖະທູດ ແລະທີ່ປຶກສາທູດ
ຝ່າຍປ້ອງກັນຊາດຂອງບັນດາປະເທດສະມາຊິກ 18 ປະເທດ, ກອງເລຂາອາຊຽນຈາກາຕາ, ສູນປະສານງານອາຊຽນ ແລະອົງການຈັດຕັ້ງສາກົນທີ່ກ່ຽວຂ້ອງ
ຈຳນວນໜຶ່ງກໍໄດ້ເຂົ້າຮ່ວມໃນພິທີດັ່ງກ່າວ.
ການເຝິກຊ້ອມໃນຄັ້ງນີ້ ມີຜູ້ເຂົ້າຮ່ວມຈາກກອງທັບຂອງບັນດາປະເທດສະມາຊິກອາຊຽນ ແລະອາຊຽນ-ບວກ ລວມທັງໝົດ 2 ພັນກວ່າຄົນເຂົ້າຮ່ວມ
ໃນກິດຈະກຳຕ່າງໆຂອງການເຝິກຊ້ອມຄື: ການຄວບຄຸມສູນບັນຊາ ແລະການເຝິກຊ້ອມພາກສະໜາມ ໂດຍສະເພາະແມ່ນການຄົ້ນຫາ, ກູ້ໄພ ແລະການໃຫ້
ປະຖົມພະຍາບານແກ່ຜູ້ປະສົບໄພພິບັດໃນເຫດການຕຶກຖະຫຼົ່ມ, ເຂດທີ່ບໍ່ສາມາດເຂົ້າໄປຫາໄດ້, ການລຶບລ້າງສານເຄມີຮົ່ວໄຫຼ, ການຄົ້ນຫາ, ກູ້ໄພທາງທະ
ເລ ແລະການລຳລຽງເຄື່ອນຍ້າຍຜູ້ປະສົບໄພທາງອາກາດ. ກອງທັບປະຊາຊົນລາວໄດ້ສົ່ງກຳລັງທັງໝົດ 40 ຄົນເຂົ້າຮ່ວມການເຝິກຊ້ອມໃນຄັ້ງນີ້, ເຊິ່ງປະ
ກອບເຂົ້າໃນການເຝິກຊ້ອມສູນບັນຊາ 9 ຄົນ, ພາກສະໜາມ 30 ຄົນ ແລະພະນັກງານປະສານງານປະຈຳຢູ່ສູນແພດທະຫານອາຊຽນ 1 ຄົນ.