ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ສະຫລຸບຖອດຖອນບົດຮຽນວຽກງານກໍ່ສ້າງ
ຮາກຖານການເມືອງ ພັດທະນາ 3 ຈຸດສຸມແຂວງໄຊສົມບູນ

     ເພື່ອເປັນການຕີລາຄາຄືນໝາກຜົນແຫ່ງການຊີ້ນຳ-ນຳພາວຽກງານກໍ່ສ້າງຮາກຖານການເມືອງ ຕະຫລອດໄລຍະຜ່ານມາໃນວັນທີ 30 ກັນຍາ 2016
ສາມຈຸດສຸມແຂວງໄຊສົມບູນ ໄດ້ຈັດກອງປະຊຸມສະຫລຸບຖອດຖອນ ບົດຮຽນວຽກງານກໍ່ສ້າງຮາກຖານການເມືອງປະຈຳໄຕມາດ III ແລະວາງທິດທາງ
ແຜນການໄຕມາດ IV ປະຈຳປີ 2016 ຂຶ້ນ ໂດຍການເຂົ້າຮ່ວມເປັນປະທານຂອງ ສະຫາຍ ພົນຈັດຕະວາ ປອ ວົງຄຳ ພົມມະກອນ ຄະນະພັກກະຊວງ ວ່າ
ການຫົວໜ້າກົມໃຫຍ່ພະລາທິການກອງທັບ, ຫົວຫນ້າຄະນະຊີ້ນຳວຽກງານກໍ່ສ້າງຮາກຖານການເມືອງ-ພັດທະນາ 3 ຈຸດສຸມແຂວງໄຊສົມບູນ, ມີຄະນະ
ພັກ-ຄະນະບັນຊາກົມກອງ, ຫ້ອງການ ພ້ອມດ້ວຍພະນັກງານ-ນັກຮົບເຂົ້າຮ່ວມ.

                                 
                       ພົນຈັດຕະວາ ປອ ວົງຄຳ ພົມມະກອນ ເປັນປະທານສະຫລຸບຖອດຖອນບົດຮຽນວຽກງານ ກໍ່ສ້າງຮາກຖານການເມືອງ ພັດທະນາ 3 ຈຸດສຸມແຂວງໄຊສົມບູນ

     ໃນພິທີ ສະຫາຍ ພັນເອກ ສີສະຫວາດ ວັນເພັງ ຫົວໜ້າຫ້ອງການເມືອງຫ້ອງວ່າການກະຊວງປ້ອງກັນປະເທດ ໄດ້ຂຶ້ນຜ່ານບົດສະຫລຸບສັງເກດຕີລາ
ຄາຄືນວຽກງານການເຄື່ອນໄຫວໄລຍະຜ່ານມາ ເຊິ່ງໄດ້ຍົກໃຫ້ເຫັນຜົນງານທີ່ພົ້ນເດັ່ນຫຼາຍດ້ານ ໂດຍສະເພາະແມ່ນວຽກງານສຶກສາອົບຮົມການເມືອງນຳ
ພາແນວຄິດ, ເຊື່ອມຊຶມກຳ ແຫນ້ນແນວທາງແຜນນະໂຍບາຍຂອງພັກ-ລັດ, ຂໍ້ກຳນົດກົດລະບຽບຂອງກອງທັບ, ປະຕິບັດຕາມ 4 ແຜນງານໃຫຍ່ 26 ໂຄງ
ການຂອງອົງຄະນະພັກກະຊວງປ້ອງກັນປະເທດວາງອອກໃຫ້ປາກົດຜົນເປັນຈິງ. ໃນໄລຍະຜ່ານມາໄດ້ມີການພັດທະນາພື້ນຖານໂຄງລ່າງທົ່ວ 3 ຈຸດສຸມ
ແຂວງໄຊສົມບູນ, ໄດ້ກໍ່ສ້າງຫ້ອງການຄະນະຊີ້ນຳ ສຳເລັດ 40% ກໍ່ສ້າງສຳນັກໝວດພະນັກງານກໍ່ສ້າງຮາກຖານຢູ່ບ້ານກໍໄຮ ສຳເລັດ 75%, ບ້ານຖ້ຳໂລ້
ສຳເລັດ 50%, ສ້າງສຳນັກປ້ອມໝັ້ນສູ້ຮົບຕິດລຽນ ປ້ອມກິ່ວລົມ ສຳເລັດ 40%, ປ້ອມສັນຫລວງ ປ້ອມນ້ຳກາບ ສຳເລັດ 90% ແລະປ້ອມໝັ້ນພູສັງ
ກາດ ສຳເລັດ 100%, ສ້າງເສັ້ນທາງແຕ່ບ້ານອອມຫາບ້ານກໍໄຮ ສຳເລັດ 100%, ກໍ່ສ້າງຂົວຂ້າມນ້ຳຈັ້ງ ສຳເລັດ 100%, ກໍ່ສ້າງຂົວຂ້າມນ້ຳອອມໄປ
ຫາສູນຜະລິດ ສຳເລັດ 30% ສ້າງສຳນັກໝວດພະນັກ ງານກໍ່ສ້າງຮາກຖານຢູ່ບ້ານອ່າວກາງ ສຳເລັດ 100%, ກໍ່ສ້າງສຳນັກກອງຮ້ອຍກໍ່ສ້າງຮາກຖານຢູ່
ບ້ານອ່າວເຫນືອ, ອ່າວໃຕ້ ແລະສຳນັກກອງຮ້ອຍຮາກຖານບ້ານຫນອງພູນໄຊ ສຳເລັດ 100%, ກໍ່ສ້າງໂຮງຮຽນ ແລະຝາຍນ້ຳລົ້ນ ເຮັດຫນອງປາລວມ
ບ້ານອ່າວໃຕ້ ສຳເລັດ 100%, ສຳຫລວດເນື້ອທີ່ຈັດຕັ້ງສູນຜະລິດຢູ່ບ້ານອອມເມືອງອານຸວົງ ແຂວງໄຊສົມບູນ ແລະສຳເລັດການສຳຫລວດເສັ້ນທາງ
ແຕ່ 3 ແຍກທາງໄປທົ່ງຮັກຫານ້ຳງື່ມ 2.

     ພ້ອມນີ້ຄະນະຊີ້ນຳວຽກງານກໍ່ສ້າງຮາກຖານການເມືອງ, ຄະນະຊີ້ນຳ-ຄະນະຮັບຜິດຊອບຕະຫລອດຮອດພະນັກງານກໍ່ສ້າງຮາກຖານການເມືອງແຕ່ລະ
ກຸ່ມບ້ານ ໄດ້ເອົາໃຈໃສ່ລົງໃກ້ຊິດຕິດແທດກັບພໍ່ແມ່ປະຊາຊົນເອົາໃຈໃສ່ປຸກລະດົມແນວຄິດຈິດໃຈພໍ່ແມ່ປະຊາຊົນໃຫ້ເຂົາເຈົ້າເຊື່ອໝັ້ນຕໍ່ການນຳພາຂອງ
ພັກ-ລັດ ມີແນວຄິດອຸ່ນອຽນທຸ່ນທ່ຽງ, ມີແນວຄິດປອດໃສຂາວສະອາດ ປະກອບສ່ວນເຂົ້າໃນທຸກຂົງເຂດວຽກງານຂອງການຈັດຕັ້ງນອກນັ້ນຍັງໄດ້ເອົາ
ໃຈໃສ່ຊຸກຍູ້ໃຫ້ເຂົາເຈົ້າທຳການຜະລິດແກ້ໄຂຊີວິດການເປັນຢູ່ຕາມຄຳຂວັນທີ່ວ່າ ກຸ້ມຕົນເອງ ເພິ່ງຕົນເອງ ແລະສ້າງຄວາມເຂັ້ມແຂງດ້ວຍຕົນເອງຕາມ
ທິດນຳ 3 ສ້າງ.

     ໃນຕອນທ້າຍທ່ານປະທານກອງປະຊຸມກໍໄດ້ໂອ້ລົມ ກ່ອນອື່ນທ່ານໄດ້ສະແດງຄຳຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ໃນໄລຍະທີ່ຜ່ານມາ ແລະທ່ານ
ຍັງໄດ້ເໜັ້ນຫນັກໃຫ້ພະນັກງານທຸກພາກສ່ວນ ຈົ່ງພ້ອມກັນເອົາໃຈ ໃສ່ຍົກສູງຄວາມຮັບຜິດຊອບຕໍ່ວຽກງານຂອງຕົນໃຫ້ມີປະສິດທິຜົນໃນຕໍ່ຫນ້າ.