ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ເປີດກອງປະຊຸມວຽກງານກວດກາທົ່ວກອງທັບ ຄັ້ງທີ V

     ກອງປະຊຸມວຽກງານກວດກາທົ່ວກອງທັບ ຄັ້ງທີ V ໄດ້ເປີດຂຶ້ນຢ່າງເປັນທາງການໃນວັນທີ 4 ຕຸລາ 2016 ນີ້, ຢູ່ທີ່ສະໂມສອນກົມໃຫຍ່ການເມືອງ
ກອງທັບ ໂດຍການເຂົ້າຮ່ວມເປັນປະທານຂອງ ສະຫາຍ ພົນຕີ ວິໄລ ຫຼ້າຄຳຟອງ ຄະນະເລຂາທິການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ
ຫົວໜ້າກົມໃຫຍ່ການເມືອງກອງທັບ, ມີບັນດາສະຫາຍຄະນະພັກກະຊວງ, ຄະນະພັກກົມໃຫຍ່, ຄະນະພັກ-ຄະນະບັນຊາກົມ, ກົມກອງພ້ອມດ້ວຍພະນັກ
ງານທີ່ເຮັດວຽກງານກວດກາມາຈາກບັນດາກົມກອງທັງກຳລັງຫຼວງ ແລະກຳລັງທ້ອງຖິ່ນ.

                                 
                                                                          ພົນຕີ ວິໄລ ຫຼ້າຄຳຟອງ ເປັນປະທານເປີດກອງປະຊຸມວຽກງານກວດກາທົ່ວກອງທັບ ຄັ້ງທີ V

     ໃນໂອກາດກ່າວເປີດກອງປະຊຸມ ສະຫາຍ ພົນຕີ ວິໄລ ຫຼ້າຄຳຟອງ ໄດ້ກ່າວວ່າ: ກອງປະຊຸມວຽກງານກວດ ກາທົ່ວກອງທັບ ຄັ້ງທີ V ນີ້, ແມ່ນມີຄວາມ
ໝາຍສຳຄັນຍິ່ງ ເພາະເປັນກອງປະຊຸມສຳຫຼວດຕີລາຄາຜົນແຫ່ງການ ຈັດຕັ້ງປະຕິບັດ ແລະຖອດຖອນບົດຮຽນວຽກງານກວດກາພັກ-ລັດ ຢູ່ກອງທັບໃນຊຸມ
ີຜ່ານມາ ແລະຄົ້ນຄວ້າເຊື່ອມຊຶມທິດທາງ, ແຜນການວຽກງານກວດກາໃນ 5 ປີຕໍ່ໜ້າ, ກອງປະຊຸມວຽກງານກວດກາຄັ້ງນີ້ຈະເປັນການປະກອບສ່ວນອັນສຳ
ຄັນເຂົ້າໃນການປັບປຸງຍົກສູງຄຸນະພາບວຽກງານກວດກາ, ອົງການກວດກາ ແລະຄະນະກວດກາແຕ່ລະຂັ້ນຢູ່ໃນກອງທັບໃຫ້ເຂັ້ມແຂງກວ່າເກົ່າ ພ້ອມທັງ
ເປັນການປະກອບສ່ວນເຂົ້າໃນການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ X ຂອງພັກ, ມະຕິກອງປະຊຸມໃຫຍ່ ຄັ້ງທີ IV ຂອງອົງຄະນະພັກກະ
ຊວງປ້ອງກັນປະເທດ ແລະປະກອບສ່ວນເຂົ້າໃນຂະບວນການສ້າງຜົນງານຂໍ່ານັບຮັບຕ້ອນບັນດາວັນປະຫວັດສາດສຳຄັນຂອງຊາດໃນທ້າຍປີ 2016 ໃຫ້
ມີຄວາມໝາຍເລິກເຊິງ.

     ກອງປະຊຸມຄັ້ງນີ້, ບັນດາຜູ້ເຂົ້າຮ່ວມຈະໄດ້ພ້ອມກັນຮັບຟັງການສະຫຼຸບຕີລາຄາວຽກງານກວດກາໃນທົ່ວກອງທັບ 5 ປີຜ່ານມາ ແລະຄົ້ນຄວ້າປະກອບ
ຄຳຄິດເຫັນຊອກຫາດ້ານຕັ້ງໜ້າເພື່ອເສີມຂະຫຍາຍ, ດ້ານອ່ອນຂໍ້ຄົງຄ້າງເພື່ອປັບປຸງແກ້ໄຂ ພ້ອມທັງຄົ້ນຄວ້າປະກອບຄຳເຫັນໃສ່ທິດທາງແຜນການວຽກ
ງານກວດກາແຕ່ປີ 2016-2020 ໃຫ້ເລິກເຊິງ, ກອງປະຊຸມຍັງໄດ້ພ້ອມກັນຄົ້ນຄວ້າ, ເຊື່ອມຊຶມບົດໂອ້ລົມຂອງສະຫາຍເລຂາທິຫານໃຫຍ່ ຄະນະບໍລິຫານ
ງານສູນກາງພັກ ຕໍ່ກອງປະຊຸມວຽກງານກວດກາທົ່ວປະເທດ ຄັ້ງທີ III ແລະບົດແນະນຳວ່າດ້ວຍການຈັດຕັ້ງປະຕິບັດກົດລະບຽບຂອງພັກ ສະໄໝທີ X ກ່ຽວ
ກັບວຽກງານຕິດຕາມ-ກວດກາພັກ ແລະຄະນະກວດ ກາແຕ່ລະຂັ້ນ ສະບັບເລກທີ 259/ຄກສພ, ລົງວັນທີ 27 ມິຖຸນາ 2016 ຂອງຄະນະກວດກາສູນກາງ
ພັກ ແລະມີການປະກອບຄຳຄິດເຫັນຂອງຄະນະກວດກາສູນກາງພັກ, ອົງການ, ກົມກອງທ້ອງຖິ່ນຈຳນວນໜຶ່ງ.