ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ໂຮງຮຽນກໍ່ສ້າງ​ນາຍ​ສິບ​ເລກ 2 ວຽງ​ໄຊ ສະຫຼອງ​ວັນ​ຄູ​ແຫ່ງຊາດ 7 ຕຸລາ ຄົບຮອບ 22 ປີ

     ໃນວັນທີ 6 ຕຸລາ 2016 ນີ້, ໂຮງຮຽນກໍ່ສ້າງນາຍສິບເລກ 2 ວຽງໄຊ ສະເຫຼີມສະຫຼອງວັນຄູແຫ່ງຊາດ 7 ຕຸລາ ຄົບຮອບ 22 ປີ ພາຍໃຕ້ການເປັນປະ
ທານຂອງ ພັນໂທ ທອງພັນ ແກ້ວມະນີຈັນ ຫົວໜ້າການເມືອງໂຮງຮຽນ, ມີບັນດາຄະນະຫ້ອງການ, ພະແນກການ, ຕະຫຼອດຮອດຄູ-ອາຈານ ແລະນັກຮຽນ
ໃນ 3 ລະບົບເຂົ້າຮ່ວມ.

                                 
                                        ພັນໂທທອງພັນແກ້ວມະນີຈັນ ເປັນປະທານສະເຫຼີມສະຫຼອງ ວັນຄູແຫ່ງຊາດ 7 ຕຸລາຄົບຮອບ 22 ປີ ໂຮງຮຽນກໍ່ສ້າງນາຍສິບເລກ 2 ວຽງໄຊ

     ໃນໂອກາດດັ່ງກ່າວນີ້, ພັນໂທ ທອງພັນ ແກ້ວມະນີຈັນ ຫົວໜ້າການເມືອງໂຮງຮຽນ ກໍໄດ້ຂຶ້ນເລົ່າຄືນປະ ຫວັດຄວາມເປັນມາຂອງວັນຄູແຫ່ງຊາດ ວັນ
ທີ 7 ຕຸລາ ຄົບຮອບ 22 ປີ ເຊິ່ງໄດ້ຍົກໃຫ້ເຫັນປະຫວັດຄວາມເປັນມາກ່ອນໜ້າປີ 1893 ທີ່ພວກລ່າເມືອງຂຶ້ນຝຣັ່ງຢຶດຄອງລາວ, ພວກເຂົາບໍ່ໄດ້ເອົາໃຈ
ໃສ່ເຖິງການຂະຫຍາຍໂຮງຮຽນໃນປະເທດລາວແຕ່ຢ່າງໃດ, ຈົນເຖິງປີ 1905 ທົ່ວປະເທດມີໂຮງຮຽນພຽງ 2 ແຫ່ງຄື: ຫຼວງພະບາງ ແລະວຽງຈັນເທົ່ານັ້ນ.
ໃນເວລານັ້ນຄົນລາວທີ່ໄດ້ຮຽນແມ່ນໜ້ອຍສຸດໃນຈຳນວນດັ່ງກ່າວມີຄົນລາວຄື: ທ້າວ ຄຳ ໄດ້ຮຽນຈົບຫ້ອງທີ 1 (ປ6) ປີ 1907, ທ້າວ ຄຳ ໄດ້ເຂົ້າ
ຮ່ວມອົບຮົມຄູສຳເລັດຖືເປັນຄັ້ງທຳອິດໃນປະຫວັດສາດຂອງຊາດລາວເຮົາພາຍຫຼັງໄດ້ອົບຮົມຄູສຳເລັດມາເຖິງ ວັນທີ 7 ຕຸລາ ປີ 1907, ທ້າວ ຄູຄຳ ເລີ່ມ
ເປັນຄູດ້ວຍຄວາມຮັກ ຊາດຂອງນາຍຄູຄຳ ໃນເວລາສິດສອນນາຍຄູຄຳໄດ້ສິດສອນໃຫ້ພະສົງຢູ່ໂຮງຮຽນສົງ ປີ 1907 ທີ່ວັດຈີນ ປະກອບມີພະສົງ 50
ກວ່າອົງເຂົ້າຮຽນພາຍຫຼັງອົບຮົມຄູສຳເລັດ, ໄດ້ມີຫຼາຍອົງໄປເປັນຄູເພື່ອຮັບນະໂຍບາຍການສຶກສາຂອງພວກລ່າເມືອງຂຶ້ນຝຣັ່ງ, ໃນປີ 1913 ຄູຄຳໄດ້ສິດ
ສອນຢູ່ໂຮງຮຽນ ຕັບໂປແລັງ (ປີໂອດັບໂປແລັງ) ນອກນີ້ຍັງມີຂະບວນການອື່ນໆຂອງຄູຄຳທີ່ໄດ້ເຂົ້າຮ່ວມສິດສອນສົ່ງຄວາມຮູ້ໃຫ້ນັກຮຽນໃນຄາວນັ້ນ
ດ້ວຍຄວາມຮັກຊາດ,ທັງຕໍ່ສູ້ຕ້ານຈັກກະພັດລ່າເມືອງຂຶ້ນທີ່ມາຮຸກຮານລາວ, ປວງຊົນລາວບັນດາເຜົ່າກໍໄດ້ພ້ອມກັນລຸກຮືຂຶ້ນກຳອຳນາດ ໃນວັນທີ 12 ຕຸ
ລາ 1945 ເປັນຕົ້ນມາ, ນັບແຕ່ນັ້ນມາການສຶກສາຈຶ່ງມີລັກສະນະຊາດ, ສັງຄົມມີຄວາມສີວິໄລ ຂຶ້ນເລື້ອຍໆ, ວັນທີ 7 ຕຸລາ ປີ 1994 ເປັນວັນຄູແຫ່ງ
ຊາດຂອງລາວ ພ້ອມນີ້, ພັນໂທ ທອງພັນ ແກ້ວມະນີຈັນ ໄດ້ຍົກໃຫ້ເຫັນເຖິງການບຳລຸງວັດທະນະທຳມັດທະຍົມຕອນປາຍ, ລະບົບກໍ່ສ້າງຈົບມັດທະຍົມ
ຕອນປາຍ ແລະລະບົບກໍ່ສ້າງນາຍສິບຊຸດທີ 19, ມີນັກຮຽນທັງໝົດ 417 ຄົນ, ສອບເສັງໄດ້ 100% ຂອງສົກຮຽນ.

     ໂອກາດດັ່ງກ່າວ ຍັງໄດ້ມອບໃບຍ້ອງຍໍຂັ້ນອຳນວຍການໂຮງຮຽນກໍ່ສ້າງນາຍສິບເລກ 2 ວຽງໄຊ ໃຫ້ຄູ-ອາ ຈານທີ່ສອນດີ-ສອນເກັ່ງ ປະຈຳສົກຮຽນ
2015-2016 ຈຳນວນ 113 ສະຫາຍ ແລະເປັນກຽດມອບໂດຍ ພັນໂທ ທອງພັນ ແກ້ວມະນີຈັນ ຫົວໜ້າການເມືອງໂຮງຮຽນ.