ກອງ “ ກ 5 ” ເປີດເຝິກອົບຮົມ-ກວດສອບເລຂາ-ຮອງເລຂາຄະນະພັກຮາກຖານຄັ້ງທີ II ປີ 2016
ໃນວັນທີ 5 ສິງຫາ 2016 ນີ້, ກອງ “ກ 5” ໄດ້ຈັດຕັ້ງພິທີເປີດເຝິກອົບຮົມເລຂາ-ຮອງເລຂາຄະນະພັກຮາກຖານຄັ້ງທີ II ຂຶ້ນ ໂດຍການເປັນປະທານ
ຂອງສະຫາຍ ພົນຕີ ວິໄລ ຫຼ້າຄຳຟອງ ຄະນະເລຂາທິການສູນກາງພັກ ຮອງລັດຖະມົນຕີກະຊວງປ້ອງກັນປະເທດ ຫົວໜ້າກົມໃຫ່ຍການເມືອງກອງທັບ ມີ
ສະຫາຍ ພັນເອກ ສົມບັດ ບຸນຄຳກົງ ຮອງຫົວໜ້າກົມຈັດຕັ້ງພັກກົມໃຫ່ຍການເມືອງກອງທັບ, ສະຫາຍ ພັນໂທ ວັນທອງ ບຸດຕະວົງ ຮອງເລຂາຄະນະ
ພັກ
ຫົວໜ້າການທະຫານກອງ “ກ 5” ພ້ອມດ້ວຍຄະນະພັກ-ຄະນະບັນຊາກອງບັນຊາການທະຫານແຂວງຈຳປາສັກ, ໂຮງຮຽນເລກ 2 ວຽງໄຊ, ໂຮງໝໍບໍ
ລິເວນ 106, ກອງ “ຂ 645”, ກອງ “ຂ 501”, “ຂ 502” ຕະຫຼອດຮອດພະນັກງານເຝິກອົບຮົມເຂົ້າຮ່ວມຢ່າງພ້ອມພຽງ.
ພົນຕີ ວິໄລຫຼ້າຄຳຟອງ ເປັນປະທານເປີດເຝິກອົບຮົມ-ກວດສອບເລຂາ-ຮອງເລຂາຄະນະພັກຮາກຖານຄັ້ງທີ II ປີ 2016
ການເຝິກອົບຮົມຄັ້ງນີ້ ກໍ່ເພື່ອເປັນການຍົກສູງຄູນະພາບໃນການນຳພາຂອງພັກ ເພີ່ມທະວີຄວາມຮັບຮູ້ ແລະຄວາມສາມາດທາງດ້ານທິດສະດີຫຼັກການ
ເຮັດໃຫ້ວຽກງານພັກ-ວຽກງານການເມືອງຢູ່ບັນດາກົມກອງຮາກຖານໄດ້ຮັບການປະຕິບັດຢ່າງເປັນລະບົບ ແລະທັງເປັນການທົບທວນກວດກາຄວາມຮັບ
ຮູ້ເຂົ້າໃຈຂອງບຸກຄະລາກອນຂອງບັນດາຫົວໜ່ວຍຮາກຖານຕໍ່ກັບແບບແຜນນຳພາການຈັດຕັ້ງຜັນຂະຫຍາຍແນວທາງນະໂຍບາຍຂອງພັກ ເຂົ້າສູ່ວຽກ
ງານຕົວຈິງ ທັງເປັນການຊອກຫາພະນັກງານທີ່ມີພອນສະຫັວນ ແລະມີຄວາມສາມາດປະຕິບັດໜ້າທີ່ໄດ້ຕົວຈິງ.