ພົນໂທ ຈັນສະໝອນ ຈັນຍາລາດ ເນັ້ນໃຫ້ຄະນະພັກ-ຄະນະບັນຊາ
ທ່ານ ພົນໂທ ຈັນສະໝອນ ຈັນຍາລາດ ກຳມະການກົມການເມືອງສູນກາງພັກລັດຖະມົນຕີກະຊວງປ້ອງກັນປະເທດ ໄດ້ລົງເຄື່ອນໄຫວ ແລະພົບປະໂອ້
ລົມກັບພະນັກງານ-ນັກຮົບກອງ “ຂ605” ໃນຕອນເຊົ້າຂອງວັນທີ 12 ສິງຫາ ນີ້, ໂດຍໄດ້ຮັບການຕ້ອນຮັບຈາກຄະນະພັກ-ຄະນະບັນຊາຕະຫຼອດຮອດພະ
ນັກງານຫຼັກແຫຼ່ງກົມກອງດັ່ງກ່າວໃຫ້ການຕ້ອນຮັບ ແລະ ເຂົ້າຮ່ວມ.
ພົນໂທຈັນສະໝອນຈັນຍາລາດ ໄດ້ລົງເຄື່ອນໄຫວ ແລະ ພົບປະໂອ້ລົມພະນັກງານ-ນັກຮົບກອງ “ ຂ 605 ”
ໂອກາດນີ້, ທ່ານລັດຖະມົນຕີກະຊວງປ້ອງກັນປະເທດ ກໍໄດ້ໂອ້ລົມ ແລະເນັ້ນໜັກໃຫ້ຄະນະພັກ-ຄະນະບັນຊາ, ພະນັກງານສະມາຊິກພັກຫຼັກແຫຼ່ງກອງ
“ຂ605” ຈົ່ງສຸມໃສ່ປັບປຸງກໍ່ສ້າງກຳລັງຂອງຕົນໃນ 6 ດ້ານ ໃຫ້ມີຄູນະພາບ ແລະມີການຫັນປ່ຽນຢ່າງເດັ່ນຊັດ, ກ່ອນອື່ນຕ້ອງເພີ່ມທະວີວຽກງານສຶກສາອົບ
ຮົມການເມືອງນຳພາແນວຄິດ, ເອົາໃຈໃສ່ສຶກສາອົບຮົມໃຫ້ພະນັກງານ-ນັກຮົບເສີມຂະຫຍາຍທາດແທ້ມູນເຊື້ອຂອງພັກ, ຂອງຊາດ, ຂອງກອງທັບ ແລະມູນ
ເຊື້ອຂອງກົມກອງໃຫ້ເລິກເຊິງ, ສ້າງກົມກອງໃຫ້ມີຄວາມໜັກແໜ້ນທາງດ້ານການເມືອງແນວຄິດ, ເຂັ້ມແຂງທາງດ້ານການຈັດຕັ້ງ, ປັບປຸງແບບແຜນວິທີ
ເຮັດວຽກ, ແບບແຜນການນຳພາຂອງຄະນະພັກຂັ້ນຕ່າງໆ ສ້າງພະນັກງານສຶບທອດປ່ຽນແທນຕໍ່ເນື່ອງ, ພ້ອມກັນນັ້ນກໍຕ້ອງສ້າງກົມກອງໃຫ້ກາຍເປັນກອງ
ຮາກຖານເຂັ້ມແຂງໜ່ວຍພັກຮູ້ນຳພາຮອບດ້ານ, ກອງ 3 ປອດ, ກອງວັດທະນະທຳ-ນັກຮົບວັດທະນະທຳ ໃຫ້ບັນລຸຄາດໝາຍທີ່ຄະນະພັກກະຊວງປ້ອງກັນ
ປະເທດວາງອອກ, ເອົາໃຈໃສ່ອົບຮົມເຝິກແອບຮໍ່າຮຽນການເມືອງ, ການທະຫານ ແລະວິຊາສະເພາະເຕັກນິກ-ວິທະຍາສາດ ໃຫ້ມີຄວາມຊຳນິຊຳນານ, ໄປ
ຄຽງຄູ່ກັບການປະຕິບັດກົດລະບຽບຂອງກອງທັບຢ່າງເຂັ້ມງວດ, ພ້ອມນັ້ນກໍຕ້ອງເອົາໃຈໃສ່ຕິດຕາມກວດກາຄຸ້ມຄອງປົກປັກຮັກສາ, ບົວລະບັດ ບັນດາອຸ
ປະກອນເຄື່ອງປະກອບພາຫະນະອາວຸດລູກກະສຸນ ໃຫ້ຮັບປະກັນທາງດ້ານເຕັກນິກກຽມພ້ອມສູ້ຮົບ ແລະແກ້ໄຂກໍລະນີເກີດໄພພິບັດໃນຍາມສຸກເສີນໃຫ້
ມີຄວາມຮັບປະກັນ 100%.