ຫົວໜ້າກົມໃຫຍ່ເສນາທິການລົງກວດກາວຽກງານກຽມພ້ອມສູ້ຮົບຢູ່ກອງ “ ຂ 11 ”
ໃນຂອງວັນທີ 29 ກໍລະກົດ 2016 ທີ່ຜ່ານມາ ທ່ານ ພົນຕີ ສຸວອນ ເລືອງບຸນມີ ກຳມະການສູນກາງພັກ ຮອງລັດຖະມົນຕີກະຊວງປ້ອງກັນປະເທດ ຫົວ
ໜ້າກົມໃຫຍ່ເສນາທິການກອງທັບ ພ້ອມດ້ວຍຄະນະໄດ້ລົງຢ້ຽມ ຢາມ ແລະກວດກາວຽກງານການກຽມພ້ອມສູ້ຮົບຢູ່ກອງ “ຂ11” ເພື່ອຮັບປະກັນໃຫ້ແກ່
ການດຳເນີນກອງປະຊຸມອາຊຽນທີ່ລາວເຮົາໄດ້ຮັບກຽດເປັນເຈົ້າພາບ ໂດຍໄດ້ຮັບການຕ້ອນຮັບຈາກ ພັນເອກ ຂັນທະລີ ທາທິລາດ ຫົວ ໜ້າການທະຫານ
ກອງ “ຂ11” ພ້ອມຄະນະ.
ພົນຕີສຸວອນເລືອງບຸນມີ ລົງກວດກາວຽກງານກຽມພ້ອມສູ້ຮົບຢູ່ກອງ “ ຂ 11”
ໂອກາດນີ້ ຄະນະໄດ້ຮັບຟັງບົດລາຍງານວຽກງານກຽມພ້ອມສູ້ຮົບຈາກ ພັນໂທ ພອນແກ້ວ ສຸລິວັນວົງສາ ຫົວໜ້າພະແນກເສນາທິການກອງ “ຂ 11”
ເຊິ່ງໄດ້ຍົກໃຫ້ເຫັນບັນດາວຽກງານທີ່ໄດ້ຈັດຕັ້ງປະຕິບັດໃນໄລຍະທີ່ຜ່ານມາ, ໃນປັດຈຸບັນ ແລະຕໍ່ໜ້າ ກໍຄືວຽກງານກຽມພ້ອມສູ້ຮົບ ເຊິ່ງທາງຄະນະພັກ
ຄະນະບັນຊາແຕ່ລະຂັ້ນໄດ້ເອົາໃຈໃສ່ຕໍ່ວຽກງານດັ່ງກ່າວຢ່າງຕັ້ງໜ້ານັບທັງດ້ານຈຳນວນພົນ, ພາຫະນະອາວຸດ ແລະອື່ນໆ.
ຈາກນັ້ນຫົວໜ້າກົມໃຫຍ່ເສນາທິການພ້ອມຄະນະ ກໍໄດ້ລົງຕິດຕາມກວດກາກຳລັງກຽມພ້ອມສູ້ຮົບຢູ່ກອງ“ຄ586”, “ຄ1” ພ້ອມທັງກວດກາພາຫະ
ນະຄວາມພ້ອມສູ້ຮົບ, ຈຳນວນພົນ, ເຄື່ອງວັດຖຸອຸປະກອນຂອງບຸກຄົນ ລວມໄປເຖິງວຽກງານຮັບປະກັນໃນດ້ານຕ່າງໆ ພ້ອມທັງໄດ້ແນະນຳເພີ່ມເຕີມບາງ
ບັນຫາໃຫ້ຄະນະພັກ-ຄະນະບັນ ຊາກົມກອງນຳໄປຈັດຕັ້ງປະຕິບັດ ແລະປັບປຸງໃຫ້ດີຂຶ້ນກວ່າເກົ່າເພື່ອຮັບປະກັນໃຫ້ວຽກງານກຽມພ້ອມສູ້ຮົບບັນລຸຕາມ
ຄາດໝາຍ ສາມາດຮັບປະກັນຄວາມສະຫງົບປອດໄພໃຫ້ແກ່ການດຳເນີນກອງປະຊຸມອາຊຽນທີ່ລາວເຮົາເປັນເຈົ້າພາບໃນປີ 2016 ນີ້.