ທ່ານ ພົນຕີ ວິໄລ ຫຼ້າຄຳຟອງ ຕ້ອນຮັບທີ່ປຶກສາທູດຝ່າຍປ້ອງກັນຊາດແຫ່ງ ສ ສິງກະໂປ
ໃນຕອນບ່າຍວັນທີ 8 ສິງຫາ 2016 ນີ້, ທ່ານ ພົນຕີ ວິໄລ ຫຼ້າຄຳຟອງ ຮອງລັດຖະມົນຕີກະຊວງປ້ອງກັນປະເທດ ຫົວໜ້າກົມໃຫຍ່ການເມືອງກອງ
ທັບ ໄດ້ຕ້ອນຮັບການເຂົ້າຢ້ຽມພົບປະຂອງ ພັນເອກ ຊີດ ອຸຍ ລິມ ທີ່ປຶກສາທູດຝ່າຍປ້ອງກັນຊາດແຫ່ງ ສາທາລະນະລັດ ສິງກະໂປ ປະຈຳ ສປປ ລາວ ຄົນ
ເກົ່າ ແລະພັນເອກ ຈອນນີ ລິມ ທີ່ປຶກສາທູດຝ່າຍປ້ອງກັນຊາດ ແຫ່ງ ສ ສິງກະໂປ ຄົນໃໝ່.
ພົນຕີວິໄລຫຼ້າຄຳຟອງ ຕ້ອນຮັບທີ່ປຶກສາທູດຝ່າຍປ້ອງກັນຊາດແຫ່ງ ສ ສິງກະໂປ
ທ່ານ ພົນຕີ ວິໄລ ຫຼ້າຄຳຟອງ ຮອງລັດຖະມົນຕີກະຊວງປ້ອງກັນປະເທດ ໄດ້ກ່າວສະແດງຄວາມຕ້ອນຮັບອັນອົບອຸ່ນຕໍ່ ພັນເອກ ຊີດ ອຸຍ ລິມ ທີ່ປຶກ
ສາທູດຝ່າຍປ້ອງກັນຊາດແຫ່ງ ສ ສິງກະໂປ ຄົນເກົ່າ ພ້ອມທັງຕີລາຄາສູງຕໍ່ໝາກຜົນການພົວພັນຮ່ວມມືຊ່ວຍເຫຼືອເຊິ່ງກັນ ແລະກັນ ຂອງສອງປະເທດສອງ
ກອງທັບໃນໄລຍະຜ່ານມາ ເຊິ່ງມັນໄດ້ເປັນການເສີມສ້າງສາຍພົວພັນຮ່ວມມືຂອງສອງປະເທດໄດ້ມີການເຕີບໃຫຍ່ຂະຫຍາຍຕົວ, ພ້ອມທັງກ່າວສະແດງ
ຄວາມຊົມເຊີຍ ແລະຄວາມຂອບໃຈນຳ ພັນເອກ ຊີດ ອຸຍ ລິມ ທີ່ໄດ້ປະກອບສ່ວນໃນການເປັນຂົວຕໍ່ຊ່ວຍເສີມສ້າງສາຍພົວພັນຮ່ວມມືອັນດີງາມຂອງ
ສອງປະເທດລາວ-ສິງກະໂປ ໂດຍສະເພາະແມ່ນສອງກະຊວງປ້ອງ ກັນປະເທດໃນວາລະທີ່ໄດ້ດຳລົງຕຳແໜ່ງເປັນທີ່ປຶກສາທູດຝ່າຍທະຫານແຫ່ງ ສ ສິງກະ
ໂປ ປະຈຳລາວຕະຫຼອດມາ, ພ້ອມທັງກ່າວສະແດງຄວາມຍິນດີຕ້ອນຮັບ ພັນເອກ ຈອນນີລິມ ທີ່ປຶກສາທູດຝ່າຍປ້ອງກັນຊາດແຫ່ງ ສ ສິງກະໂປ ປະຈຳ
ລາວຄົນໃໝ່ ແລະຫວັງຢ່າງຍິງວ່າທີ່ປຶກສາທູດຝ່າຍປ້ອງກັນຊາດຄົນໃໝ່ຈະສືບຕໍ່ຊ່ວຍເສີມສ້າງສາຍພົວພັນຮ່ວມມືຊ່ວຍເຫຼື່ອເຊິ່ງກັນ ແລະກັນ ຂອງ
ສອງປະເທດໃຫ້ນັບມື້ນັບເຕີບໃຫຍ່ຂະຫຍາຍຕົວຍິ່ງຂື້ນ.