ຄະນະຜູ້ແທນສະຖາບັນຍຸດທະສາດປ້ອງກັນຊາດ ສສ ຫວຽດນາມ
ຢ້ຽມຢາມ ແລະ ເຮັດວຽກຢູ່ກົມ ວສ-ປສ ກອງທັບປະຊາຊົນລາວ
ພົບປະແລກປ່ຽນບົດຮຽນວຽກງານຍຸດທະສາດການທະຫານລະຫວ່າງສອງຝ່າຍ
ຄະນະຜູ້ແທນສະຖາບັນຢຸດທະສາດປ້ອງກັນຊາດ ສສ ຫວຽດນາມ ນຳໂດຍ ທ່ານ ພົນຕີ ຫງວຽນ ດຶກ ຫາຍ ຫົວໜ້າສະຖາບັນຍຸດທະສາດປ້ອງກັນ
ຊາດ ກະຊວງປ້ອງກັນປະເທດ ແຫ່ງ ສສ ຫວຽດນາມ ພ້ອມດ້ວຍຄະນະ ໄດ້ເດີນທາງຢ້ຽມຢາມ ແລະເຮັດວຽກ ຢູ່ກົມວິທະຍາສາດ-ປະຫວັດສາດ ການທະ
ຫານ ກະຊວງປ້ອງກັນປະເທດ ແຫ່ງ ສປປ ລາວ ຢ່າງເປັນທາງການ ໃນລະຫວ່າງວັນທີ 20-23 ທັນວາ 2016 ນີ້, ໃຫ້ກຽດຕ້ອນຮັບໂດຍ ທ່ານ ພັນເອກ
ວຽງໄຊ ສົມວິຈິດ ຫົວໜ້າ ກົມວິທະຍາສາດ-ປະຫວັດສາດການທະຫານ ກະຊວງປ້ອງກັນປະເທດ ແຫ່ງ ສປປ ລາວ
ພັ. ອ ວຽງໄຊ ສົມວິຈິດ ຫົວໜ້າກົມ ວສ-ປສ ການທະຫານ ປະກອບຄຳເຫັນຕໍ່ກອງປະຊຸມພົບປະແລກປ່ຽນບົດຮຽນລະຫວ່າງ 2 ຝ່າຍ
ໃນການເດີນທາງມາຢຽ້ມຢາມ ແລະເຮັດວຽກຄັ້ງນີ້ ກໍ່ເພື່ອສືບຕໍ່ຮ່ວມມືຊ່ວຍເຫຼືອເຊິ່ງກັນ ແລະກັນ ລະຫວ່າງກົມວິທະຍາສາດ-ປະຫວັດສາດການ
ທະຫານ ກະຊວງປ້ອງກັນປະເທດ ແຫ່ງ ສປປ ລາວ ກັບສະຖາບັນຍຸດທະສາດປ້ອງກັນຊາດ ກະຊວງປ້ອງກັນປະເທດ ແຫ່ງ ສສ ຫວຽດນາມ ໂດຍ ສະເພາະ
ແມ່ນ ການຮ່ວມມືຄົ້ນຄວ້າກ່ຽວກັບບັນດາຍຸດທະສາດ, ການປ້ອງກັນຊາດ-ປ້ອງກັນຄວາມສະຫງົບ, ແລກປ່ຽນບົດຮຽນໃນບັນດາຂົງເຂດຄົ້ນຄວ້າທີ່ຂຶ້ນ
ກັບພາລະບົດບາດ ໜ້າທີ່ຂອງສອງຝ່າຍ, ການຮ່ວມມືຝຶກອົບຮົມບຳລຸງວິຊາສະເພາະໃຫ້ນາຍທະຫານ, ພ້ອມກັນແລກປ່ຽນຂໍ້ມູນຂ່າວສານ, ການຈັດພິມ
ຈຳໜ່າຍ, ຜະລິດຕະພັນຂອງທັງສອງຝ່າຍ, ບັນດາຂົງເຂດວຽກງານອື່ນໆທີ່ທັງສອງຝ່າຍມີຄວາມສົນ ໃຈເພື່ອໃຫ້ສອດຄ່ອງກັບລະບຽບກົດໝາຍຂອງ
ແຕ່ລະປະເທດ, ໃນສະພາບການໃໝ່.
ຢ່ຽມຊົມການວ່າງສະແດງຮູບພາບການເຄື່ອນໄຫວຮ່ວມມືລະຫວ່າງສອງຝ່າຍໃນຊຸມປີຜ່ານມາ
ທັ້ງນີ້ກໍ່ເພື່ອເສີມຂະຫຍາຍຫັດແໜ້ນຄວາມສາມັກຄີພິເສດ ແລະການຮ່ວມມືຮອບດ້ານ ລະຫວ່າງ ສອງ ພັກ-ສອງລັດ ສອງກອງທັບເວົ້າລວມ, ເວົ້າ
ສະເພາະກໍ່ຄືກົມວິທະຍາສາດ-ປະຫວັດສາດການທະຫານ ກະຊວງປ້ອງກັນປະເທດ ແຫ່ງ ສປປ ລາວ ກັບສະຖາບັນຍຸດທະສາດປ້ອງກັນຊາດ ກະຊວງປ້ອງ
ກັນປະເທດ ແຫ່ງ ສສ ຫວຽດນາມ.
ທ່ານ ພົນຕີ ຫງວຽນ ກຶກ ຫາຍ ຫົວໜ້າສະຖາບັນຍຸດທະສາດປ້ອງກັນຊາດ ກະຊສງປ້ອງກັນປະເທດ ແຫ່ງ ສສ ຫວຽດນາມ ມອບກາລະນຶກຂອງສະຖາບັນຍຸດທະສາດ ປ້ອງກັນຊາດ ໃຫ້ກົມ ວສ-ປສ ການທະຫານ ກອງທັບປະຊາຊົນລາວ