ງານວາງສະແດງຜະລິດຕະພັນຂອງເຫລົ່າພະລາທິການກອງທັບ
ເນື່ອງໃນໂອກາດສະເຫລີມສະຫລອງວັນສ້າງຕັ້ງເຫລົ່າຮົບພະລາທິການຄົບຮອບ 60 ປີ, ກົມໃຫຍ່ພະລາທິການກອງທັບ ໄດ້ຈັດງານວາງສະແດງຜະ
ລິດ
ຕະພັນຂອງກົມໃຫຍ່ພະລາທິການກອງທັບຂຶ້ນໃນວັນທີ 2 ສິງຫານີ້, ໂດຍການເປັນປະທານຂອງ ທ່ານ ພົນຈັດຕະວາ ວົງຄຳ ພົມມະກອນ ຄະນະພັກ
ກະຊວງ
ຮອງຫົວຫນ້າກົມໃຫຍ່ພະລາທິການກອງທັບ ເຊິ່ງມີຫົວຫນ້າກົມຮອງກົມ, ຫ້ອງການຄະນະພັກ-ຄະນະບັນຊາກົມກອງອ້ອມຂ້າງເຂົ້າຮ່ວມ.
ພົນຈັດຕະວາວົງຄຳພົມມະກອນ ຮອງຫົວຫນ້າກົມໃຫຍ່ພະລາທິການກອງທັບ ເຂົ້າຊົມງານວາງສະແດງຜະລິດຕະພັນຂອງເຫລົ່າຮົບພະລາທິການກອງທັບ
ໃນໂອກາດນີ້ ທ່ານ ພົນຈັດຕະວາ ວົງຄຳ ພົມມະກອນ ໄດ້ກ່າວວ່າ: ເພື່ອສະແດງໃຫ້ເຫັນເຖິງຜົນງານ ແລະການເຕີບໃຫຍ່ຂະຫຍາຍຕົວໃນແຕ່ລະໄລ
ຍະຂອງວຽກງານໃນເຫລົ່າຮົບພະລາທິການ, ເພື່ອຍົກສູງຄວາມຮັບຜິດຊອບ, ເປັນການເຊີດຊູມານະຈິດປະຕິວັດຂອງພະນັກງານ ເຮັດໃຫ້ມູນເຊື້ອອັນດີງາມ
ຂອງເຫລົ່າຮົບພະລາທິການໄດ້ຮັບການປົກປັກຮັກສາ ແລະເສີມຂະຫຍາຍຢ່າງກວ້າງຂວາງ, ການວາງສະແດງໃນມື້ນີ້ກໍເປັນອີກຂະບວນການຫນຶ່ງເພື່ອເປັນ
ການສ້າງບັນຍາກາດ ແລະເປັນຜົນງານປະດັບເອ້ໃຫ້ແກ່ການສະເຫລີມສະຫລອງວັນສ້າງຕັ້ງເຫລົ່າຮົບພະລາທິການຄົບຮອບ 60 ປີ ໃຫ້ມີຄວາມຫມາຍຢ່າງ
ເລິກເຊິງ, ມີຄວາມເບີກບານມ່ວນຊື່ນ ແລະຟົດຟື້ນ, ງານວາງສະແດງໃນຄັ້ງນີ້ຈະໄດ້ດຳເນີນໄປເປັນເວລາ 4 ວັນ ເຊິ່ງເລີ່ມແຕ່ວັນທີ 2-5 ສິງຫາ 2016ເຊິ່ງ
ມີຜະລິດຕະພັນຈາກບັນດາກົມກອງເຂົ້າຮ່ວມທັງຫມົດ 22 ກົມກອງ ປະກອບດ້ວຍຜະລິດຕະພັນອັນຫລາກຫລາຍຕາມສາຍວິຊາສະເພາະໃນຂົງເຂດວຽກ
ງານພະລາທິການ ເປັນຕົ້ນແມ່ນການວາງສະແດງເຄື່ອງອຸປະໂພກ-ບໍລິໂພກ ອັນຕົ້ນຕໍທີ່ຮັບໃຊ້ແກ່ກອງທັບ.