ທ່ານ ພົນຕີ ວິໄລ ຫລ້າຄຳຟອງ ໂອ້ລົມນາຍທະຫານທີ່ໄດ້ຮັບການເລື່ອນຊັ້ນໃໝ່
ກົມໃຫຍ່ການເມືອງກອງທັບ ໄດ້ຈັດພິທີປະກາດຂໍ້ຕົກລົງກະຊວງປ້ອງກັນປະເທດວ່າດ້ວຍການເລື່ອນຊັ້ນນາຍທະຫານຈາກພັນຕີຂຶ້ນເປັນພັນໂທຢູ່ບັນ
ດາອົງການ, ກົມກອງກຳລັງຫລວງ-ກຳລັງທ້ອງຖິ່ນທົ່ວກອງທັບ ໃນວັນທີ 3 ສິງຫາ ນີ້, ໂດຍການເປັນປະທານ ແລະໃຫ້ກຽດໂອ້ລົມຂອງ ທ່ານ ພົນຕີ ວິໄລ
ຫລ້າຄຳຟອງ ເລຂາທິ ການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ການເມືອງກອງທັບ ເຊິ່ງມີຄະນະພັກ-ຄະນະບັນຊາ,
ຕາງໜ້າການນຳບັນດາກົມໃຫຍ່ຫ້ອງວ່າການກະຊວງ ແລະ ວິທະຍາຄານເຂົ້າຮ່ວມ.
ພົນຕີວິໄລຫລ້າຄຳຟອງ ເນັ້ນໜັກໃຫ້ນາຍທະຫານທີ່ໄດ້ຮັບການເລື່ອນຊັ້ນໃໝ່ ຈົ່ງປັບປຸງທັດສະນະຫຼັກໝັ້ນສິນທຳປະຕິວັດ ແລະ ມີວິໃສທັດເບິ່ງກວ້າງມອງໄກ
ໃນໂອກາດດັ່ງກ່າວ ທ່ານ ພົນຕີ ວິໄລ ຫລ້າຄຳຟອງ ໄດ້ເນັ້ນໜັກໃຫ້ນາຍທະຫານແຕ່ລະສະຫາຍທີ່ໄດ້ຮັບການເລື່ອນຊັ້ນໃນຄັ້ງນີ້ ຈົ່ງພ້ອມກັນປັບປຸງ
ທັດສະນະຫລັກໝັ້ນຄຸນສົມບັດສິນທຳປະຕິວັດຂອງຕົນໃຫ້ໜັກແໜ້ນເປັນເຈົ້າການເອົາໃຈໃສ່ສ້າງວິໄສທັດພັດທະນາຕົນເອງໃຫ້ກາຍເປັນແບບຢ່າງນຳໜ້າ
ທີ່ດີໃນທຸກດ້ານ ເພື່ອໃຫ້ສົມຄູ່ກັບໜ້າທີ່ ແລະຄວາມເຊື່ອໝັ້ນໄວ້ວາງໃຈຂອງພັກ-ລັດ ຂັ້ນເທິງທີ່ມີຕໍ່ຕົນ.
ສະນັ້ນນາຍທະຫານແຕ່ລະສະຫາຍ ຕ້ອງເປັນເຈົ້າການເສີມຂະຫຍາຍມູນເຊື້ອການນຳພາຂອງພັກຕໍ່ກຳລັງປະກອບອາວຸດໃຫ້ເລິກເຊິງເຖິງຖອງ, ສ້າງໃຫ້
ໄດ້ຄວາມສາມັກຄີເປັນປຶກແຜ່ນແໜ້ນໜາໃນໝູ່ຄະນະ ມີແບບແຜນວິທີເຮັດວຽກ, ວິທີນຳພາວິທະຍາສາດປະດິດສ້າງ, ສະດຸ້ງໄວຕໍ່ສະພາບການ.