ໂຮງໝໍ 103 ກອງທັບ ຈັດພິທີມອບຫຼຽນມິດຕະພາບໃຫ້ຊ່ຽວຊານຫວຽດນາມ
ໃນຕອນເຊົ້າວັນທີ 25 ກໍລະກົດ 2016 ນີ້, ໂຮງໝໍ 103 ກອງທັບ ໄດ້ຈັດພິທີມອບຫຼຽນມິດຕະ ພາບໃຫ້ຊ່ຽວຊານແພດຈາກໂຮງໝໍສູນກາງກອງ
ທັບ 108 ຫວຽດນາມ ຈຳນວນ 2 ສະຫາຍ ພາຍຫຼັງສຳເລັດການມາປະຕິບັດໜ້າທີ່ຢູ່ໂຮງໝໍ 103 ກອງທັບປະຊາຊົນລາວເປັນເວລາ 3 ເດືອນ (ແຕ່ວັນ
ທີ 26/4/ 2016-26/7/2016) ຕາມແຜນການຮ່ວມມືລະຫວ່າງສອງຝ່າຍ.
ຊ່ຽວຊານແພດທະຫານຫວຽດນາມ 2 ສະຫາຍ ໄດ້ຮັບຫຼຽນມິດຕະພາບຈາກໂຮງໝໍ 103 ກອງທັບ
ພິທີດັ່ງກ່າວຈັດຂຶ້ນຢ່າງສົມກຽດໂດຍມີ ພັນໂທ ດຣ. ຄຳຮຸ່ງ ຊາຍສີດາ ຄະນະພັກ, ຄະນະອຳນວຍການຫົວໜ້າຫ້ອງການບໍລິຫານການແພດໂຮງ
ໝໍ 103 ກອງທັບ ພ້ອມດ້ວຍພະນັກງານຫຼັກແຫຼ່ງຈາກພະແນກການ ຕ່າງໆເຂົ້າຮ່ວມ.
ຊ່ຽວຊານແພດທະຫານຫວຽດນາມ 2 ສະຫາຍດັ່ງກ່າວມີສະຫາຍ ພັນເອກ ຟາມຫງອກຈິງ ຫົວໜ້າພະແນກຜ່າຕັດລະບົບປະສາດໂຮງໝໍສູນກາງ
ກອງທັບ 108 ຫວຽດນາມ ແລະພັນເອກ ຫງວຽນດຶກວິງ ຮອງຫົວໜ້າພະແນກກາຍະວິພາກພະຍາດໂຮງໝໍສູນກາງກອງທັບ 108 ຫວຽດນາມ.