ຮອງຫົວໜ້າກົມໃຫຍ່ເສນາທິການກອງທັບຕ້ອນຮັບຄະນະຜູ້ແທນ
ເຫຼົ່າທັບປ້ອງກັນອາກາດ-ທະຫານອາກາດກອງທັບປະຊາຊົນຫວຽດນາມ
ວັນທີ 23 ກໍລະກົດນີ້, ຢູ່ຫ້ອງຮັບແຂກຂອງກົມພົວພັນຕ່າງປະເທດກະຊວງປ້ອງກັນປະເທດ, ສະຫາຍ ພົນຈັດຕະວາ ຄຳລຽງ ອຸທະໄກສອນ ຮອງຫົວ
ໜ້າກົມໃຫຍ່ເສນາທິການກອງທັບ ໄດ້ໃຫ້ກຽດຕ້ອນຮັບການເຂົ້າຢ້ຽມຂ່ຳນັບຂອງຄະນະຜູ້ແທນກອງບັນຊາການເຫຼົ່າທັບປ້ອງກັນອາກາດ-ທະຫານອາກາດ
ກອງທັບປະຊາຊົນຫວຽດນາມນຳໂດຍສະຫາຍ ພົນຈັດຕະວາ ເລວັນງັອກ ຮອງຫົວໜ້າເສນາທິການເຫຼົ່າທັບປ້ອງກັນອາກາດ-ທະຫານອາກາດກອງທັບປະ
ຊາຊົນຫວຽດນາມ ເນື່ອງໃນໂອກາດທີ່ຄະນະເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ.
ທ່ານ ພົນຈັດຕະວາຄຳລຽງອຸທະໄກສອນ ຕ້ອນຮັບການເຂົ້າຢ້ຽມຂໍ່ານັບຂອງຄະນະຜູ້ແທນທະຫານອາກາດຫວຽດນາມ
ໃນໂອກາດນີ້ ສະຫາຍ ພົນຈັດຕະວາ ຄຳລຽງ ອຸທະໄກສອນ ໄດ້ຕາງໜ້າຄະນະນຳກົມໃຫຍ່ເສນາທິການກອງທັບ ສະແດງຄວາມຍິນດີຕ້ອນຮັບຢ່າງ
ອົບອຸ່ນ ແລະຕີລາຄາສູງຕໍ່ການເດີນທາງມາຢ້ຽມຢາມ ແລະເຮັດວຽກຢູ່ປະເທດເຮົາຂອງສະຫາຍ ພົນຈັດຕະວາ ເລວັນງັອກ ພ້ອມດ້ວຍຄະນະໃນຄັ້ງນີ້ ເຊິ່ງ
ເປັນການປະກອບສ່ວນທີ່ສຳຄັນເຂົ້າໃນການເສີມສ້າງສາຍພົວພັນມິດຕະພາບ ແລະຄວາມສາມັກຄີພິເສດ ແລະການຮ່ວມມືຮອບດ້ານ 2 ກອງທັບ ກໍ
ຄື
ລະຫວ່າງ ເຫຼົ່າທັບປ້ອງກັນອາກາດ-ທະຫານອາກາດກອງທັບປະຊາຊົນຫວຽດນາມ ແລະກົມທະຫານອາກາດຂອງກອງທັບປະຊາຊົນລາວໃຫ້ແໜ້ນແຟ້ນ.