ທະຫານແຂວງສາລະວັນ ສ້າງໄດ້ທ່າແຮງດ້ານຜະລິດ ແລະ ສ້າງລາຍຮັບ
ອີງຕາມການລາຍງານຂອງ ພັນໂທ ຄຳມາ ອິນທະນີກອນ ຄະນະພັກກອງບັນຊາການ, ຫົວໜ້າຫ້ອງການກອງບັນ ຊາການທະຫານແຂວງສາລະວັນໄດ້
ຊີ້ໃຫ້ເຫັນວ່າ: ກອງປະຊຸມສະຫຼຸບຕີລາຄາວຽກງານຮອບດ້ານປະຈຳ 6 ເດືອນຕົ້ນປີນີ້ ເຊິ່ງຈັດຂຶ້ນໃນລະຫວ່າງວັນທີ 11–12 ກໍລະກົດ ຜ່ານມາວ່າ: ໃນ 6
ເດືອນຕົ້ນປີ 2016 ຜ່ານມານີ້ ກອງບັນຊາການທະຫານແຂວງສາລະວັນ ສາມາດສ້າງລາຍຮັບຈາກການປູກຝັງ-ລ້ຽງສັດ, ຫັດຖະກຳ ແລະບໍລິການ ໄດ້ທັງ
ໝົດ 1.528.958.500 ກີບ, ຖ້າທຽບໃສ່ແຜນການທີ່ວາງອອກເຫັນວ່າປະຕິບັດໄດ້ຕາມຄາດໝາຍໄດ້ມາຈາກການຂາຍຜົນຜະລິດຊະນິດຕ່າງໆ ເປັນຕົ້ນ
ແມ່ນເຂົ້ານາປີ, ມັນຕົ້ນ, ສາລີພັນ, ກາເຟ ແລະພືດຜັກສວນຄົວຊະນິດຕ່າງໆ, ນອກນັ້ນກໍໄດ້ລ້ຽງງົວ 420 ກວ່າໂຕ, ແບ້ 63 ໂຕ, ໝູ 390 ກວ່າໂຕ, ສັດ
ປີກ 5.300 ກວ່າໂຕ ແລະລ້ຽງປາ 75.900 ໂຕ, ກົບ 11.500 ໂຕ ແລະຮັບຈາກການຂາຍດິນຈີ່, ຈໍາໜ່າຍນໍ້າດື່ມບໍລິການໂຮງສີເຂົ້າ ແລະລາຍຮັບຈາກ
ການບໍລິການເຮືອນພັກ-ຮ້ານອາຫານ.
ສໍາລັບທິດທາງແຜນການໃນຕໍ່ໜ້ານັ້ນ ຄະນະພັກ-ຄະນະບັນຊາກອງບັນຊາການທະຫານແຂວງສາລະວັນ ໄດ້ສືບຕໍ່ສຸມໃສ່ຊີ້ນໍາ-ນໍາພາບັນດາກົມກອງ
ຮາກຖານ ເປັນເຈົ້າການຜັນຂະຫຍາຍຈັດຕັ້ງປະຕິບັດມະຕິກອງປະຊຸມເປີດກວ້າງຄັ້ງທີ 4 ສະໄໝທີ 4 ຂອງກອງບັນຊາການທະຫານແຂວງສາລະວັນ, ປະຕິ
ບັດຕາມທິດນຳ 4 ປູກ 4 ລ້ຽງທີ່ກົມໃຫຍ່ພະລາທິການວາງອອກ ຕິດພັນກັບ 4 ແຜນງານໃຫຍ່ 26 ໂຄງການຂອງຄະນະພັກກະຊວງປ້ອງກັນປະເທດດ້ວຍ
ຈິດໃຈບຸກທະລຸ ພ້ອມທັງໄດ້ວາງຄາດໝາຍໃຫ້ແຕ່ລະກົມກອງຕ້ອງເປັນເຈົ້າການຊອກແຫຼ່ງລາຍຮັບໃຫ້ໝັ້ນທ່ຽງ, ຄິດສະເລ່ຍຫົວຄົນແມ່ນ 4–6 ແສນກີບ
/ຄົນ/ປີຂຶ້ນໄປ.