ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ກສນ ປິດຊຸດອົບຮົມວຽກງານກວດກາພັກ-ລັດ ຄັ້ງທີ I

     ກົມໃຫຍ່ເສນາທິການກອງທັບ ໄດ້ສຳເລັດການອົບຮົມວຽກງານກວດກາພັກ-ລັດໄລຍະສັ້ນ ຊຸດທີ I ໃນວັນທີ 2 ກຸມພາ 2017 ນີ້, ພາຍຫຼັງດຳເນີນ
ມາເປັນເວລາ 3 ວັນ ໂດຍການເຂົ້າຮ່ວມຂອງ ທ່ານ ພົນຈັດຕະວາ ປະສິດ ທ່ຽງທຳ ຮອງຫົວໜ້າກົມໃຫຍ່ເສນາທິການກອງທັບ ມີຄະນະພັກ-ຄະນະບັນຊາ
ພະນັກງານ-ຄູອາຈານ, ນັກເຝິກອົບຮົມທີ່ມາຈາກບັນດາກົມກອງອ້ອມຂ້າງກົມໃຫຍ່ເສນາທິການກອງທັບເຂົ້າຮ່ວມ.

                                
                                                          ພົນຈັດຕະວາ ປະສິດ ທ່ຽງທຳ ເປັນປະທານປິດຊຸດອົບຮົມວຽກງານກວດກາພັກ-ລັດ ຄັ້ງທີ I

     ຜ່ານການອົບຮົມວຽກງານດັ່ງກ່າວນັກເຝິກອົບຮົມແຕ່ລະສະຫາຍແມ່ນມີຄວາມຮັບຮູ້ເຂົ້າໃຈຢ່າງເລິກເຊິງກ່ຽວກັບວຽກງານກວດກາຂອງພັກ, ພື້ນ
ຖານວຽກງານກວດກາລັດ, ວຽກງານສະກັດກັ້ນ ແລະການຕ້ານການສໍ້ລາດບັງຫຼວງ, ວຽກງານຄົ້ນຄວ້າແກ້ໄຂຄຳຮ້ອງຟ້ອງ, ຮ້ອງທຸກ, ຄຳສະເໜີ ແລະ
ວຽກງານອົງການຈັດຕັ້ງ, ການບຳລຸງສ້າງພະນັກງານກວດກາການອົບຮົມເຊື່ອມຊຶມແນວທາງນະໂຍບາຍຂອງພັກໄດ້ເລິກເຊິງ ແລະສາມາດນຳໄປຈັດຕັ້ງ
ປະຕິບັດຢູ່ກົມກອງຂອງຕົນຕາມພາລະບົດບາດໜ້າທີ່ໄດ້ກຳນົດໄວ້.

     ທ່ານ ພົນຈັດຕະວາ ປະສິດ ທ່ຽງທຳ ຍັງໄດ້ໃຫ້ກຽດກ່າວໂອ້ລົມຕໍ່ພິທີ ໂດຍທ່ານໄດ້ກ່າວສະແດງຄຳຍ້ອງຍໍຊົມເຊີຍຕໍ່ຜົນສຳເລັດທີ່ຍາດມາໄດ້ໃນຄັ້ງ
ນີ້ ພ້ອມທັງໄດ້ເນັ້ນໃຫ້ຄະນະພັກ-ຄະນະບັນຊາ, ນັກເຝິກອົບຮົມເອົາໃຈໃສ່ສຶກສາອົບຮົມວຽກງານກວດກາພັກ-ລັດໃຫ້ພະນັກງານ ແລະນັກຮົບທຸກຄົນຮັບ
ຮູ້ເຊື່ອມຊຶມຢ່າງເລິກເຊິງຕໍ່ແນວທາງແຜນນະໂຍບາຍຂອງພັກ-ລັດ ສືບຕໍ່ຊີ້ນຳ-ນຳກົມກອງຂອງຕົນປະຕິບັດໜ້າທີ່ຕາມທິດ 4 ໜ້າທີ່ໃຫຍ່ 26 ແຜນງານ ທີ່
ຄະນະພັກກະຊວງປ້ອງກັນປະເທດວາງອອກ, ເພື່ອສ້າງກົມກອງຂອງຕົນໃຫ້ມີການຫັນປ່ຽນໃໝ່ ກາຍເປັນກອງທັບປະຕິວັດ-ກອງທັບປະຊາຊົນທີ່ມີແບບ
ແຜນທັນສະໄໝເທື່ອລະກ້າວ.