ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ກອງປະຊຸມສ່ອງແສງປະຈຳໄຕມາດ III
ຂອງກຳລັງຫຼວງ-ກຳລັງທ້ອງຖິ່ນ ຢູ່ແຂວງຊຽງຂວາງ ແລະ ຫົວພັນ

     ກອງປະຊຸມສ່ອງແສງວຽກງານພັກ-ວຽກງານການເມືອງ ຂອງກຳລັງຫຼວງ-ກຳລັງທ້ອງຖິ່ນສອງແຂວງຊຽງຂວາງ-ຫົວພັນ ໄດ້ຈັດຂຶ້ນໃນວັນທີ 29 ກັນ
ຍາ 2016 ນີ້, ທີ່ໂຮງແຮມພູຊ້າງ ໂດຍການເປັນເຈົ້າພາບສະຖານທີ່ຂອງກອງ “ຂ 643” ພາຍໃຕ້ການເປັນປະທານຂອງ ທ່ານ ພົນຕີ ສຸວອນ ເລືອງບຸນມີ
ກຳມະການສູນກາງພັກ ຮອງລັດຖະມົນຕີກະຊວງປ້ອງກັນປະເທດ ຫົວໜ້າກົມໃຫຍ່ເສນາທິການກອງທັບປະຊາຊົນລາວ, ມີຜູ້ຕາງໜ້າຄະນະພັກ-ຄະນະບັນ
ຊາຈາກກອງ “ຂ 584”, ກອງ “ຂ 702”, ໂຮງໝໍ 101, ກອງບັນຊາການທະຫານແຂວງຊຽງ ຂວາງ, ກອງບັນຊາການທະຫານແຂວງຫົວພັນ ແລະຈຸດສຸມ
ຄັງວຽງເຂົ້າຮ່ວມ.

                                 
                                       ພົນຕີ ສຸວອນ ເລືອງບຸນມີ ເປັນປະທານກອງປະຊຸມສ່ອງແສງປະຈຳໄຕມາດ III ຂອງກຳລັງຫຼວງ-ກຳລັງທ້ອງຖິ່ນ ຢູ່ແຂວງຊຽງຂວາງ ແລະ ຫົວພັນ

     ໃນກອງປະຊຸມຄະນະພັກ-ຄະນະບັນຊາແຕ່ລະກົມກອງໄດ້ລາຍງານວຽກງານຮອບດ້ານຂອງກົມກອງ, ໃນການຈັດຕັ້ງປະຕິບັດວຽກງານພັກ-ວຽກງານ
ການເມືອງ ເຊິ່ງໄດ້ເອົາໃຈໃສ່ສຶກສາອົບຮົມການເມືອງແນວຄິດໃຫ້ບັນດາພະນັກງານ-ນັກຮົບເປັນປະຈຳ ໂດຍຫັນເອົາກຳລັງລົງກໍ່ສ້າງຮາກຖານ, ຕິດຕາມ
ເພື່ອກຳແໜ້ນສະພາບການ ເຄື່ອນໄຫວຂອງກຸ່ມຄົນບໍ່ຫວັງດີທີ່ຈະມ້າງເພທຳລາຍໃນຂອບເຂດຄວາມຮັບຜິດຊອບ, ສາມາດແກ້ໄຂ ແລະສະກັດກັ້ນບັນ
ດາປາກົດການຫຍໍ້ທໍ້ໃນສັງຄົມຢູ່ຂອບເຂດກົມກອງຮັບຜິດຊອບໄດ້ໂດຍພື້ນຖານ ພ້ອມກັນນັ້ນກໍໄດ້ສຸມໃສ່ປັບປຸງກຳລັງ, ປັບປຸງກົມກອງໃຫ້ເຂັ້ມແຂງ
ທາງດ້ານປະລິມານ ແລະຄຸນະພາບໂດຍປິ່ນອ້ອມ 4 ແຜນງານໃຫຍ່ 26 ໂຄງການທີ່ຄະນະພັກກະຊວງປ້ອງກັນປະເທດວາງອອກ.

     ທ່ານ ພົນຕີ ສຸວອນ ເລືອງບຸນມີ ໄດ້ໃຫ້ທິດຊີ້ນຳ ເຊິ່ງສະຫາຍໄດ້ຍ້ອງຍໍຊົມເຊີຍຜົນງານຂອງບັນດາກົມກອງທີ່ຍາດມາໄດ້ໃນໄລຍະຜ່ານມາ ພ້ອມ
ທັງຍົກໃຫ້ເຫັນສະພາບການຂອງໂລກ, ຂອງພາກພື້ນ ເຊິ່ງມີຄວາມຜັນແປ ແລະສັບສົນ ຈຶ່ງຮຽກຮ້ອງມາຍັງຄະນະພັກ-ຄະນະບັນຊາທຸກຂັ້ນເພີ່ມທະວີ
ວຽກງານສຶກສາອົບຮົມການເມືອງນຳພາແນວຄິດໃຫ້ດີ.

ເວັບໄຊ້ກະຊວງປ້ອງກັນປະເທດ
www.mod.gov.la
ຄຸ້ມຄອງໂດຍ: ກົມວິທະຍາສາດ-ປະຫວັດສາດ ການທະຫານ ກະຊວງປ້ອງກັນປະເທດ
ໃບອະນຸຍາດ ສະບັບເລກທີ 1968/ກປທ, ລົງວັນທີ 12/6/2012
ທີ່ຢູ່: ບ.ໂພນເຄັງ, ຖະໜົນ ໄກສອນ ພົມວິຫານ
ໂທ&ແຟກ: 021 911012