ສະເຫຼີມສະຫຼອງວັນສ້າງຕັ້ງກອງ “ ກ 3 ” ຄົບຮອບ 35 ປີ
ກອງ “ກ 3” ໄດ້ຈັດຕັ້ງງານສະເຫຼີມສະຫຼອງວັນສ້າງຕັ້ງກົມກອງ ຄົບຮອບ 35 ປີ ໃນຕອນເຊົ້າຂອງວັນທີ 29 ຕຸລາ 2016 ນີ້, ທີ່ສະໜາມ
ກີລາກອງດັ່ງກ່າວ ພາຍໃຕ້ການເປັນປະທານຂອງ ທ່ານ ພົນຕີ ສຸວອນ ເລືອງບຸນມີ ກຳມະການສູນກາງພັກ, ຮອງລັດຖະມົນຕີກະຊວງປ້ອງກັນປະ
ເທດ, ຫົວໜ້າກົມໃຫຍ່ເສນາທິການກອງທັບປະຊາຊົນລາວ ເປັນກຽດເຂົ້າຮ່ວມໃນພິທີ, ມີບັນດາທ່ານເຈົ້າແຂວງ, ເຈົ້າເມືອງແຕ່ລະເມືອງ, ພະນັກ
ງານອາວຸໂສບຳນານ, ວິລະຊົນແຫ່ງຊາດ, ນັກຮົບແຂ່ງຂັນ, ອະດີດຄະນະນຳຂອງກົມກອງ ແລະພະນັກງານ-ນັກຮົບມາຈາກກົມກອງຮາກຖານທີ່
ຂຶ້ນກັບ, ມີແຂກຖືກເຊີນຈາກພາກສ່ວນຕ່າງໆພໍ່ແມ່ປະຊາຊົນຈາກບັນດາບ້ານອ້ອມຂ້າງເຂົ້າຮ່ວມ.
ພົນຕີ ສຸວອນ ເລືອງບຸນມີ ເປັນປະທານສະເຫຼີມສະຫຼອງວັນສ້າງຕັ້ງກອງ “ ກ 3 ” ຄົບຮອບ 35 ປ
ພັນເອກ ບຸນເຈື້ອ ຕຽນແສງດາວ ກຳມະການຄະນະພັກກະຊວງປ້ອງກັນປະເທດ, ເລຂາຄະນະພັກ ຫົວໜ້າການເມືອງກອງ “ກ 3” ໄດ້ຂຶ້ນ
ກ່າວປາໄສທົບທວນຫວນຄືນປະຫວັດສາດມູນເຊື້ອຂອງກອງ “ກ 3” ຕະຫຼອດໄລ ຍະ 35 ປີຜ່ານມາ ເຊິ່ງກົມກອງໄດ້ຮັບການສ້າງຕັ້ງຂຶ້ນໃນວັນ
ທີ 25/10/1981 ຢູ່ສະຖານທີ່ແຫ່ງໜຶ່ງຂອງແຂວງຫຼວງນ້ຳທາ ໂດຍແມ່ນ ທ່ານ ພົນເອກ ສີສະຫວາດ ແກ້ວບຸນພັນ ຫົວໜ້າເສນາທິການສູງສຸດ
ກອງທັບປົດປ່ອຍປະຊາຊົນລາວໃນເວລານັ້ນເປັນຜູ້ປະກາດສ້າງຕັ້ງ ແລະເປັນກົມກອງກຳລັງຫຼວງຂຶ້ນກັບກະຊວງປ້ອງກັນປະເທດໂດຍກົງ, ເຮັດ
ໜ້າທີ່ປົກປັກຮັກສາປະເທດຊາດ, ໃນຂອບເຂດ 4 ແຂວງທິດຕາເວັນຕົກສ່ຽງເໜືອຂອງປະເທດ ແລະ4 ເມືອງພາກເໜືອຂອງແຂວງໄຊຍະບູລີ
ທັງເຮັດໜ້າທີ່ກໍ່ສ້າງຮາກຖານການເມືອງພັດທະນາຊົນນະບົດຮອບດ້ານຕາມ 4 ເນື້ອໃນ 4 ຄາດໝາຍ, ປັບປຸງກໍ່ສ້າງກຳລັງໃນດ້ານຕ່າງໆໃຫ້ເຕີບ
ໃຫຍ່ໜັກແໜ້ນເຂັ້ມແຂງບັນລຸໄດ້ຕາມທິດ ຫັນເປັນກອງທັບແບບແຜນທັນສະໄໝ, ໂດຍຖືເອົາການສ້າງກອງແຂງ-ໜ່ວຍພັກຮູ້ນຳພາຮອບດ້ານ,
ກອງ 3 ປອດ, ກອງວັດທະນະທຳ, ນັກຮົບວັດທະນະທຳ ແລະການຜະລິດ, ສ້າງເສດຖະກິດ ເພື່ອສ້າງພະລາທິການກັບທີ່ ເປັນພື້ນຖານໃຫ້ການ
ສ້າງກົມກອງກ້າວຂຶ້ນເພິ່ງຕົນເອງ, ກຸ້ມຕົນເອງ ແລະສ້າງຄວາມເຂັ້ມແຂງດ້ວຍຕົນເອງ, ຮັບປະກັນໄດ້ແກ່ການປົກປັກຮັກສາເອກະລາດ, ອຳນາດ
ອະທິປະໄຕ, ຄວາມສະຫງົບໝັ້ນຄົງຂອງຊາດໃນຂອບເຂດກົມກອງຮັບຜິດຊອບ, ເຊິ່ງສັງຮວມແລ້ວຕະຫຼອດໄລຍະ 35 ປີຜ່ານມາທົ່ວກອງ “ກ 3”
ໄດ້ຮັບການຍ້ອງຍໍຈາກ ພັກ-ລັດຂັ້ນເທິງຫຼາຍລະດັບຢ່າງສົມກຽດ ໃນນັ້ນຫຼຽນໄຊອິດສະຫຼະຊັ້ນ II ຈຳນວນ 3 ໜ່ວຍ, ຫຼຽນໄຊອິດສະຫຼະຊັ້ນ III
ຈຳນວນ 2 ໜ່ວຍ, ຫຼຽນໄຊແຮງງານຊັ້ນ I ຈຳນວນ 1 ໜ່ວຍ, ຫຼຽນໄຊແຮງງານຊັ້ນ II ຈຳນວນ2 ໜ່ວຍ, ຫຼຽນໄຊພິລາດອາດຫານຊັ້ນ III ຈຳ
ນວນ 2 ໜ່ວຍ, ໄດ້ຮັບນາມະຍົດກອງວິລະຊົນ 1 ກົມກອງ, ນັກຮົບວິລະຊົນ 1 ສະຫາຍ, ກົມກອງແຂ່ງຂັນ 3 ກົມກອງ ແລະນັກຮົບແຂ່ງຂັນ 5
ສະຫາຍ.
ກ່າວຄຳເຫັນໃນໂອກາດດັ່ງກ່າວ ທ່ານ ພົນຕີ ສຸວອນ ເລືອງບຸນມີ ໄດ້ຕີລາຄາສູງຕໍ່ຜົນງານ, ໄຊຊະນະ ແລະມູນເຊື້ອທີ່ພະນັກງານ-ນັກຮົບທົ່ວ
ກອງ “ກ 3” ຮຸ້ນກ່ອນ ແລະຮຸ້ນຕໍ່ໆມາຍາດມາໄດ້ຕະຫຼອດ 35 ປີຜ່ານມາມີບາງຕອນທ່ານໄດ້ກ່າວວ່າ: ການສະເຫຼີມສະຫຼອງວັນສ້າງຕັ້ງກອງ
“ກ 3” ໃນຄັ້ງນີ້ ແມ່ນເຕັມໄປດ້ວຍບັນຍາກາດຟົດຟື້ນ.