ປະກາດບົ່ງຕົວແຕ່ງຕັ້ງປ່ຽນແທນປະທານກວດກາພັກ ແລະ
ກໍາມະການຄະນະພັກກົມໃຫຍ່ການເມືອງກອງທັບ

ສະຫາຍ ພົນຕີ ສອນທອງ ພົມລາວົງ ຄະນະປະຈໍາພັກກະຊວງປ້ອງກັນປະເທດຮອງຫົວໜ້າກົມໃຫຍ່ການເມືອງກອງທັບ ​ເປັນ​ປະທານ

     ວັນທີ 3 ພຶດສະພາ 2022 ນີ້, ກົມໃຫຍ່ການເມືອງກອງທັບ ໄດ້ຈັດພິທີປະກາດບົ່ງຕົວແຕ່ງຕັ້ງປ່ຽນແທນ ປະທານກວດກາພັກ ແລະ ກໍາມະການຄະ
ນະພັກ ກົມໃຫຍ່ການເມືອງກອງທັບ ຂຶ້ນໂດຍການເປັນປະທານຂອງ ສະຫາຍ ພົນຕີ ສອນທອງ ພົມລາວົງ ຄະນະປະຈໍາພັກ ກະຊວງປ້ອງກັນປະເທດ ຮອງ
ຫົວໜ້າກົມໃຫຍ່ການເມືອງກອງທັບ, ມີບັນດາສະຫາຍຫົວໜ້າກົມ, ຮອງກົມ, ຫ້ອງການ ແລະ ຄະນະພັກກົມໃຫຍ່ການເມືອງກອງທັບ ເຂົ້າຮ່ວມ.

     ສະຫາຍ ພົນຈັດຕະວາ ແສງມະນີວອນ ຄຳມະນີ ຫົວໜ້າກົມຈັດຕັ້ງພັກກົມໃຫຍ່ການເມືອງກອງທັບ ໄດ້ຂຶ້ນຜ່ານມະຕິຕົກລົງ ຂອງຄະນະພັກກະຊວງ
ປ້ອງກັນປະເທດ ວ່າດ້ວຍການແຕ່ງຕັ້ງປ່ຽນແທນປະທານກວດກາພັກຄະນະພັກກົມໃຫຍ່ການເມືອງກອງທັບ ແລະ ມະຕິຕົກລົງ ວ່າດ້ວຍການແຕ່ງຕັ້ງປ່ຽນ
ແທນກຳມະການຄະນະພັກກົມໃຫຍ່ການເມືອງກອງທັບ. ໃນນີ້, ຄະນະພັກກະຊວງປ້ອງກັນປະເທດ ຕົກລົງບົ່ງຕົວແຕ່ງຕັ້ງ ສະຫາຍ ພົນຈັດຕະວາ ພູມີ ດາ
ລາເພັດ ຮອງຫົວໜ້າກົມໃຫຍ່ການເມືອງກອງທັບ ເປັນປະທານກວດກາພັກ ຄະນະພັກກົມໃຫຍ່ການເມືອງກອງທັບ ( ປ່ຽນແທນ ສະຫາຍ ພົນຕີ ວົງສອນ
ອິນປານພິມ ຍົກຍ້າຍໄປຮັບໜ້າທີ່ໃໝ່ ) ແລະ ບົ່ງຕົວແຕ່ງຕັ້ງ ສະຫາຍ ພັນເອກ ແປ້ນຄຳ ບຸດຈັນແພງ ຫົວໜ້າກົມໂຄສະນາອົບຮົມ ເປັນກຳມະການຄະ
ນະພັກ ກົມໃຫຍ່ການເມືອງກອງທັບ.

     ໂອກາດນີ້, ສະຫາຍ ພົນຕີ ສອນທອງ ພົມລາວົງ ໄດ້ໃຫ້ທິດຊີ້ນໍາວຽກງານຫຼາຍບັນຫາທີ່ສໍາຄັນ ເຊິ່ງສະຫາຍໄດ້ກ່າວວ່າ: ການປະກາດບົ່ງຕົວແຕ່ງຕັ້ງ
ໃນຄັ້ງນີ້ ແມ່ນຄວາມຮຽກຮ້ອງຕ້ອງການຂອງໜ້າທີ່ການເມືອງ ໃນການປັບປຸງບູລະນະການຈັດຕັ້ງ ແລະ ເພື່ອຮັບປະກັນໃຫ້ການນໍາພາຂອງຄະນະພັກກົມ
ໃຫຍ່ການເມືອງໃນທົ່ວກອງທັບໃຫ້ຕໍ່ເນື່ອງ. ພ້ອມທັງຮຽກຮ້ອງໃຫ້ສະຫາຍທີ່ໄດ້ຮັບການບົ່ງຕົວແຕ່ງຕັ້ງໃໝ່ຕ້ອງຍົກສູງນໍ້າໃຈຮັບຜິດຊອບຕໍ່ໜ້າທີ່ການ
ເມືອງຂອງຕົນ, ເພີ່ມທະວີຄວາມສາມັກຄີເປັນເອກະພາບພາຍໃນຄະນະພັກ ພ້ອມກັນຈັດຕັ້ງມະຕິກອງປະຊຸມໃຫຍ່ອົງຄະນະພັກກົມໃຫຍ່ການເມືອງກອງ
ທັບ ຄັ້ງທີ V ໃຫ້ມີຜົນສຳເລັດສູງ.

ແຫຼ່ງທີ່ມາ: ໜັງສືພິມກອງທັບ
ວັນທີ 04/05/2022