ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ຄະນະນຳ ກມທ ອວຍພອນຄະນະນຳກົມໃຫຍ່ການເມືອງ ປກສ

     ວັນທີ 30 ມີນາ 2017 ນີ້, ທ່ານ ພົນຈັດຕະວາ ວັນທອງ ກອງມະນີ ກຳມະການຄະນະພັກກະຊວງປ້ອງກັນປະເທດ, ຮອງຫົວໜ້າກົມໃຫຍ່ການເມືອງ
ກອງທັບ ພ້ອມດ້ວຍຄະນະໄດ້ນຳເອົາກະຕ່າດອກໄມ້ ແລະຄຳອວຍພອນອັນປະເສີດໄປອວຍພອນ ທ່ານ ພົນຈັດຕະວາ ອາລູ ວາລີຊື ຄະນະປະຈຳພັກກະຊວງ
ປ້ອງກັນຄວາມສະຫງົບ, ຫົວໜ້າກົມໃຫຍ່ການເມືອງກະຊວງປ້ອງກັນຄວາມສະຫງົບ ພ້ອມດ້ວຍຄະນະ ເນື່ອງໃນໂອກາດວັນສ້າງຕັ້ງກຳລັງປ້ອງກັນຄວາມ
ສະຫງົບທີ່ຈະໝູນວຽນມາຄົບຮອບ 56 ປີ ( 5 ເມສາ 1961-5 ເມສາ 2017).


ພົນຈັດຕະວາ ວັນທອງ ກອງມະນີ ອວຍພອນຄະນະນຳກົມໃຫຍ່ການເມືອງກະຊວງປ້ອງກັນຄວາມສະຫງົບ

     ທ່ານ ພົນຈັດຕະວາ ວັນທອງ ກອງມະນີ ກໍໄດ້ຕາງໜ້າໃຫ້ຄະນະນຳກະຊວງປ້ອງກັນປະເທດ ກໍຄືກົມໃຫຍ່ການເມືອງກອງທັບ ກໍກ່າວມີຄຳເຫັນ ແລະ
ອວຍພອນອັນປະເສີດແກ່ຄະນະນຳກົມໃຫຍ່ການເມືອງກະຊວງປ້ອງກັນຄວາມສະຫງົບ ຈົ່ງມີສຸຂະພາບເຂັ້ມແຂງ, ປາສະຈາກໂລກໄພນາໆປະການບຽດບຽນ
ແລະພ້ອມກັນສືບຕໍ່ກໍ່ສ້າງກຳລັງປ້ອງກັນຄວາມສະຫງົບ ກໍຄືກົມໃຫຍ່ການເມືອງໃຫ້ມີແບບແຜນທັນສະໄໝເປັນກ້າວໆ, ສືບຕໍ່ຮ່ວມກັບໝູ່ຄະນະຊີ້ນຳ-ນຳ
ພາກົມກອງຍາດໄດ້ຜົນງານໃໝ່ໃຫຍ່ຫຼວງກວ່າເກົ່າ.

     ໂອກາດດັ່ງກ່າວ ທ່ານ ພົນຈັດຕະວາ ອາລູ ວາລີຊື ໄດ້ຕ່າງໜ້າໃຫ້ການນຳກົມໃຫຍ່ການເມືອງ ປກສ ສະແດງຄວາມຂອບໃຈຕໍ່ບັນດາຄະນະນຳກົມ
ໃຫຍ່ການເມືອງກອງທັບ ທີ່ໄດ້ນຳເອົາກະຕ່າດອກໄມ້ມາອວຍພອນໃນຄັ້ງນີ້ ພ້ອມທັງອວຍພອນຄືນໃຫ້ຄະນະທີ່ມາອວຍພອນຕະຫຼອດຮອດພະນັກງານ-ນັກ
ຮົບໃນກົມກອງ ຈົ່ງມີແຕ່ສຸຂະພາບແຂງແຮງ ພ້ອມກັນສືບຕໍ່ຊີ້ນຳ-ນຳພາອົງການຂອງຕົນ ເຮັດສຳເລັດໜ້າທີ່ການເມືອງທີ່ພັກ-ລັດ ຄືຂັ້ນເທິງມອບໝາຍໃຫ້
ດ້ວຍຜົນສຳເລັດຢ່າງຈົບງາມ.