ປະກາດສ້າງຕັ້ງກອງ “ ຂ 661 ” ເຫຼົ່າຮົບລົດຕັງ-ຍານເກາະ ຢ່າງເປັນທາງການ
ກະຊວງປ້ອງກັນປະເທດໄດ້ຈັດພິທີປະກາດສ້າງຕັ້ງກອງ “ຂ 661” ເຫຼົ່າຮົບລົດຕັງ-ຍານເກາະກົມໃຫຍ່ເສ ນາທິການກອງທັບຢ່າງເປັນທາງ
ການໃນຕອນບ່າຍວັນທີ 28 ຕຸລາ 2016, ໂດຍການເປັນກຽດເຂົ້າຮ່ວມຂອງທ່ານ ພົນໂທ ຈັນສະໝອນ ຈັນຍາລາດ ກຳມະການກົມການເມືອງ
ສູນກາງພັກ ລັດຖະມົນຕີກະຊວງປ້ອງກັນປະເທດ, ມີຄະນະພັກກະຊວງ, ຄະນະນຳ 4 ກົມໃຫຍ່, ຫ້ອງວ່າການກະຊວງ, ວິທະຍາຄານ, ພະນັກ
ງານປະຕິວັດອາວຸ ໂສບຳນານ, ຄະນະພັກ-ຄະນະບັນຊາ ແລະ ພະນັກງານຫຼັກແຫຼ່ງເຂົ້າຮ່ວມ.
ພົນໂທ ຈັນສະໝອນ ຈັນຍາລາດ ເປັນປະທານພິທີປະກາດສ້າງຕັ້ງກອງ “ຂ 661” ເຫຼົ່າຮົບລົດຕັງ-ຍານເກາະ
ໃນພິທີ ພັນໂທ ອັກສອນ ສິນຍະທຳ ຮອງຫົວໜ້າກົມກຳລັງພົນກົມໃຫຍ່ເສນາທິການກອງທັບ
ໄດ້ຂຶ້ນຜ່ານຂໍ້ຕົກລົງຂອງກະຊວງປ້ອງກັນ
ປະເທດ ວ່າດ້ວຍການສ້າງຕັ້ງກອງເອກະລາດໝາຍເລກ “ຂ 661” ໂດຍປະຕິ ບັດຕາມຈິດໃຈຊີ້ນຳຂອງຄະນະ ປກຊ-ປກສ ສູນກາງ, ກະຊວງປ້ອງ
ກັນປະເທດຈຶ່ງໄດ້ຕົກລົງຍົກລະດັບກອງ “ຄ 661” ເຫຼົ່າຮົບລົດຕັງ-ຍານເກາະຂຶ້ນເປັນກອງເອກະລາດໝາຍເລກ “ຂ 661” ສະບັບເລກທີ 2755/ກປທ, ລົງ ວັນທີ 13 ກໍລະກົດ 2016, ການຍົກລະດັບກອງ “ຂ 661” ເຫຼົ່າຮົບລົດຕັງ-ຍານເກາະໃນຄັ້ງນີ້ ເປັນການສະແດງເຖິງການເຕີບໃຫຍ່
ຂະຫຍາຍຕົວຂອງກອງທັບປະຊາຊົນລາວ.
ຈາກນັ້ນ ທ່ານ ພັນເອກ ພູມີ ດາລາເພັດ ຮອງຫົວໜ້າກົມພະນັກງານກົມໃຫຍ່ການເມືອງກອງທັບ ຂຶ້ນຜ່ານຂໍ້ຕົກລົງຂອງກະຊວງປ້ອງກັນປະ
ເທດ ອີງຕາມທິດທາງການປັບປຸງບູລະນະກົງຈັກນຳພາບັນຊາໃນກຳລັງປະກອບອາວຸດໃຫ້ເຂັ້ມແຂງໜັກແໜ້ນຮອບດ້ານ ແລະເຮັດສຳເລັດໜ້າທີ່
ປົກປັກຮັກສາ ແລະສ້າງສາພັດທະນາປະເທດຊາດ, ສະບັບເລກທີ 3025 ລົງວັນທີ 15 ມິຖຸນາ 2016 ກະຊວງປ້ອງກັນປະເທດຕົກລົງແຕ່ງຕັ້ງສະ
ຫາຍ ພັນໂທ ສາຍລົມ ໄຊຍະສຸກ ເປັນເລຂາຄະນະພັກ ຫົວໜ້າການເມືອງກອງ “ຂ 661”, ສະຫາຍ ພັນໂທ ຄຳປານ ແພງພັນ ເປັນຮອງເລຂາຫົວ
ໜ້າການທະຫານ, ສະຫາຍ ພັນໂທ ພູວົງ ທິບພະຈອນ ເປັນຫົວໜ້າພະແນກເສນາ, ສະຫາຍ ພັນໂທ ສູນທະລາ ໄຊຍະຈັກ ເປັນຫົວໜ້າພະແນກ
ການເມືອງ, ສະຫາຍ ພັນໂທ ພູວົງ ໄພມະນີວົງ ເປັນຫົວໜ້າພະແນກເຕັກນິກ ແລະສະຫາຍ ພັນຕີ ວຽງແກ້ວ ວົງວຽງຄຳ ເປັນຫົວໜ້າພະແນກພະ
ລາ.
ໂອກາດນີ້ ທ່ານ ພົນໂທ ຈັນສະໝອນ ຈັນຍາລາດ ຍັງໄດ້ໃຫ້ກຽດໂອ້ລົມຫຼາຍບັນຫາສຳຄັນຕໍ່ຄະນະພັກ-ຄະນະບັນຊາກອງ “ຂ 661” ຕ້ອງ
ເປັນເຈົ້າການສືບຕໍ່ປະຕິບັດໜ້າທີ່ການເມືອງຂອງກອງທັບເຮົາໃນການປະຕິບັດໜ້າທີ່ປ້ອງກັນຊາດ-ປ້ອງກັນຄວາມສະຫງົບໃນໄລຍະໃໝ່, ສຸມໃສ່
ປັບປຸງກໍ່ສ້າງກຳລັງໃນທຸກດ້ານ, ເພີ່ມທະວີວຽກງານສຶກສາອົບຮົມການເມືອງນຳພາແນວຄິດ ເຮັດໃຫ້ສະມາຊິກພັກ-ນັກຮົບເຊື່ອມຊຶມກຳແໜ້ນ
ແລະຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ IV ຂອງອົງຄະນະພັກກະຊວງປ້ອງກັນປະເທດໃຫ້ປາກົດຜົນເປັນຈິງ, ປັບປຸງແບບ ແຜນວິທີນຳພ
ເຮັດວຽກໃນໝູ່ຄະນະ, ແບ່ງໃຫ້ບຸກຄົນຮັບຜິດຊອບ, ສ້າງພະນັກງານສືບທອດປ່ຽນແທນ 3 ຮຸ່ນໃຫ້ຕໍ່ເນື່ອງ, ຄຽງຄູ່ກັນນັ້ນກໍຕ້ອງໄດ້ເອົາໃຈໃສ່
ວຽກງານອົບຮົມຫັດແອບການເມືອງ-ການທະຫານ, ເຕັກນິກວິທະ ຍາສາດຂອງເຫຼົ່າຮົບໃຫ້ມີຄວາມຊຳນິຊຳນານທາງດ້ານສິລະປະຍຸດ-ຍຸດທະວິທີ,
ອອກແຮງແຂ່ງຂັນປະຕິບັດຂໍ້ກຳນົດ 7 ລະບອບ 18 ວຽກຂອງກອງທັບຢ່າງເຂັ້ມງວດ, ນອກຈາກນັ້ນ ກໍຕັ້ງໜ້າປະຕິບັດທິດນຳເພິ່ງຕົນເອງ, ກຸ້ມ
ຕົນເອແລະສ້າງຄວາມເຂັ້ມແຂງດ້ວຍຕົນເອງ ຕາມເງື່ອນໄຂທ່າແຮງບົ່ມຊ້ອນຂອງກົມກອງໃຫ້ມີປະສິດທິຜົນສູງ ກ້າວຂຶ້ນເປັນກອງທັບທີ່ເຂັ້ມແຂງ
ແລະທັນສະໄໝເປັນກ້າວໆ.