ກອງປະຊຸມສ່ອງແສງວຽກງານ ຮອບດ້ານຂອງບັນດາກົມກອງເຂດ II ປະຈຳໄຕມາດ I
ສະຫາຍ ພົນຕີ ວົງຄຳ ພົມມະກອນ ກໍາມະການສູນກາງພັກ ຫົວໜ້າກົມໃຫຍ່ພະລາທິການກອງທັບ ເປັນປະທານ
ກອງປະຊຸມສ່ອງແສງ ວຽກງານຮອບດ້ານ ຂອງບັນດາກົມກອງເຂດ II ປະຈຳໄຕມາດ I ແລະ ວາງທິດທາງແຜນການປະຈຳ ໄຕມາດ II ປະຈໍາປີ 2021
ໄດ້ຈັດຂຶ້ນ ໃນວັນທີ 26 ມີນາ 2021 ນີ້, ຢູ່ທີກອງພົນທີ 2 ໂດຍການເປັນປະທານຂອງ ສະຫາຍ ພົນຕີ ວົງຄຳ ພົມມະກອນ ກໍາມະການສູນກາງພັກ ຫົວ
ໜ້າກົມໃຫຍ່ພະລາທິການ ກອງທັບ ມີຫົວໜ້າ ກອງພົນທີ 2, ກອງບັນຊາການ ທະຫານແຂວງ ໄຊຍະບູລີ, ແຂວງ ຫຼວງພະບາງ, ໂຮງຮຽນກໍ່ສ້າງນາຍສິບ
ເລກ1, ໂຮງງານປະສານເຫຼົ່າ, ໂຮງໝໍບໍລິເວນ 107, ອົງການໄອຍະການທະຫານພາກເໜືອ ແລະ ສານທະຫານພາກເໜືອ ພ້ອມດ້ວຍວິຊາການ ກະຊວງ
ປ້ອງກັນປະເທດ ແລະ ຄະນະພັກ-ຄະນະບັນຊາ ກອງພົນ ຕະຫຼອດຮອດພະແນກການທີ່ກ່ຽວຂ້ອງເຂົ້າຮ່ວມ.
ໃນກອງປະຊຸມຕາງໜ້າ ແຕ່ລະກົມກອງ ໄດ້ຜັດປ່ຽນກັນຂຶ້ນລາຍງານ ການຈັດຕັ້ງປະຕິບັດ ວຽກງານຮອບດ້ານ ປະຈໍາໄຕມາດ I ໃນໄລຍະ 3 ເດືອນທີ່
ຜ່ານມາ ໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານ ຂອງກະຊວງປ້ອງກັນປະເທດວາງອອກ. ເຊິ່ງຕາງໜ້າ ແຕ່ລະພາກສ່ວນ ກໍຍົກເອົາບັນຫາ ທີ່ສໍາຄັນ ທີ່
ໄດ້ຈັດຕັ້ງປະຕິບັດ ເປັນຕົ້ນແມ່ນສະພາບຈຸດພິເສດ ການເຄື່ອນໄຫວວຽກງານດ້ານຕ່າງໆ ໃນຂອບເຂດ ຕົນຮັບຜິດຊອບ ເຊິ່ງໃນນັ້ນກໍໄດ້ຖືເອົາວຽກງານ
ເຮັດໃຫ້ສະພາບມີຄວາມສະຫງົບ ແລະ ກຽມພ້ອມສູ້ຮົບ ເປັນບັນຫາທີ່ສໍາຄັນ, ຖືເອົາວຽກງານ ຫັນລົງ ກໍ່ສ້າງຮາກຖານ ການເມືອງ ພັດທະນາຊົນນະບົດ
ຮອບດ້ານ ຕາມທິດນໍາຂອງພັກ ເປັນກົກ ຕິດພັນກັບການສ້າງທ່າ ສະໜາມສົງຄາມປະຊາຊົນທັງ 3 ດ້ານ. ໂດຍການສຸມໃສ່ສ້າງ ບ້ານປ້ອມໝັ້ນສູ້ຮົບຕິດ
ລຽນ, ສູ້ຮົບປ້ອງກັນຕົວ ແລະ ປົກປັກ ຮັກສາຄວາມເປັນລະບຽບຮຽບຮ້ອຍ ຢູ່ລຽບຕາມບໍລິເວນຊາຍແດນ ຂອງແຕ່ລະກົມກອງ ຮັບຜິດຊອບ ໄດ້ມີຄວາມ
ສະຫງົບ ແລະ ເປັນລະບຽບຮຽບຮ້ອຍ ໂດຍພື້ນຖານ, ຕໍ່ກັບວຽກງານ ການປັບປຸງກໍ່ສ້າງກໍາລັງ ໄດ້ຖືເອົາການສຶກສາອົບຮົມການເມືອງນໍາພາແນວຄິດ ເປັນ
ບັນຫາທີ່ສໍາຄັນ ເພື່ອຍົກສູງທາງດ້ານຄຸນທາດ ການເມືອງແນວຄິດຄຸນສົມບັດສິນທໍາປະຕິວັດ ຕີຖອຍບັນຫາປາກົດການຫຍໍ້ທໍ້ ໃນຖັນແຖວພະນັກງານ-ສະ
ມາຊິກພັກ-ນັກຮົບ ໂດຍໄດ້ນໍາເອົາເນື້ອໃນຂອງມະຕິ ຕ່າງໆລົງໄປເຜີຍແຜ່ເຊື່ອມຊຶມ ຈັດຕັ້ງປະຕິບັດແນໃສ່ ໃຫ້ພະນັກງານ-ນັກຮົບ ທຸກສະຫາຍມີແນວຄິດ
ຫຼັກໝັ້ນ ແລະ ມີສະຕິຕື່ນຕົວ ໃນການຈັດຕັ້ງປະຕິບັດແນວທາງ ນະໂຍບາຍຂອງພັກ-ກົດໝາຍ ຂອງລັດ, ຂໍ້ກໍານົດກົດລະບຽບ ຂອງກອງທັບ. ໄປພ້ອມໆ
ກັບການປັບປຸງກໍ່ສ້າງພັກ-ພະນັກງານ-ອົງການຈັດຕັ້ງມະຫາຊົນ ຕິດພັນກັບຂະບວນການ ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ, ກອງ 3 ປອດ,
ກອງ ວັດທະນະທໍາ-ນັກຮົບວັດທະນະທໍາ ໃຫ້ມີຄວາມເຕີບໃຫຍ່ ເຂັ້ມແຂງທາງດ້ານຈໍານວນ ແລະ ຄຸນນະພາບ, ວຽກງານອົບຮົມ-ຫັດແອບ ທາງດ້ານສິລະ
ປະຍຸດ-ຍຸດທະວິທີ ແລະ ປັບປຸງ ລະບຽບແບບແຜນຂອງແຕ່ລະກົມກອງ ກໍໄດ້ຮັບການປັບປຸງ ຢ່າງໜັກແໜ້ນເຂັ້ມແຂງ, ວຽກງານປິ່ນປົວພະຍາດຮັບປະກັນ
ທາງດ້ານສຸຂະພາບຂອງນາຍ ແລະ ພົນທະຫານ ແລະ ວຽກງານພະລາທິການ-ເຕັກນິກຮັບ ປະກັນ ການແກ້ໄຂຊີວິດ ການເປັນຂອງກົມກອງ ກໍຄືວຽກງານ
ປັບປຸງກໍ່ສ້າງລະບົບພື້ນຖານໂຄງລ່າງເຄຫະສະຖານສະຖານທີ່ຄ້າຍຄູ, ການຜະລິດປູກຝັງ-ລ້ຽງສັດ ແລະ ວຽກງານສ້ອມແປງຄຸ້ມຄອງ ບົວລະບັດ ປົກປັກຮັກ
ສາ ພາຫະນະອາວຸດກະສຸນ ຢູ່ແຕ່ລະກົມກອງກໍໄດ້ຮັບການປົກປັກຮັກສາບົວລະບັດສ້ອມແປງ ເປັນປົກກະຕິ.
ໃນໂອກາດນີ້, ສະຫາຍ ພົນຕີ ວົງຄໍາ ພົມມະກອນ ກໍໄດ້ໃຫ້ການໂອ້ລົມຫຼາຍບັນຫາສໍາຄັນ ພ້ອມທັງເນັ້ນໜັກ ໃຫ້ຄະນະພັກ-ຄະນະບັນຊາ ທຸກກົມ
ກອງ ຈົ່ງເອົາໃຈໃສ່ ເພີ່ມທະວີເຮັດວຽກງານສຶກສາ ອົບຮົມການເມືອງ-ແນວຄິດ ໃຫ້ແທດເໝາະກັບສະພາບເງື່ອນໄຂ ຕົວຈິງ ເພີ່ມທະວີຍົກສູງພາລະບົດ
ບາດການຊີ້ນໍາ-ນໍາພາ ຕໍ່ໜ້າທີ່ ການເມືອງ ຄວາມຮັບຜິດຊອບ ຂອງຕົນໃຫ້ສູງຂຶ້ນມີຄວາມເຊື້ອໝັ້ນຕໍ່ແນວທາງແຜນນະໂຍບາຍ ຂອງພັກ-ກົດໝາຍຂອງ
ລັດ ແລະ ຍຶດໝັ້ນຕໍ່ລັດທິສັງຄົມນິຍົມ ກໍຄືອຸດົມການ ຂອງພັກ ຕີຖອຍບັນຫາປາກົດການຫຍໍ້ທໍ້ ໃນຖັນແຖວ ພະນັກງານ-ສະມາຊິກພັກ ທຸກຂັ້ນ ຢ່າງເລິກ
ເຊິ່ງສືບຕໍ່ຈັດຕັ້ງປະຕິບັດເນື້ອໃນ ມະຕິກອງປະຊຸມໃຫຍ່ ຄັ້ງທີ XI ຂອງພັກໃຫ້ເລິກເຊິ່ງ ເຖິງຖອງ ໂດຍສະເພາະແມ່ນ ສືບຕໍ່ຫັນລົງກໍ່ສ້າງຮາກຖານ ການ
ເມືອງພັດທະນາຊົນນະບົດ ຮອບດ້ານ ຕາມທິດນໍາຂອງພັກ ແລະ ເອົາໃຈໃສ່ເຮັດວຽກງານ ການກຽມພ້ອມສູ້ຮົບປ້ອງກັນ ເວນຍາມຕາມສະຖານທີ່ສໍາຄັນ
ຕ່າງໆ ໃຫ້ມີຄວາມສະຫງົບ ເປັນລະບຽບຮຽບຮ້ອຍ ໂດຍພື້ນຖານ ສືບຕໍ່ອົບຮົມ-ຫັດແອບ ເຝິກແອບ ຮໍ່າຮຽນປັບປຸງລະບຽບແບບແຜນ ຂອງກົມກອງ ກໍ
ຄືການອົບຮົມ-ຫັດແອບ ທາງດ້ານສິລະປະຍຸດ-ຍຸດທະວິທີ ໃຫ້ມີຄວາມຄ່ອງແຄ້ວຊໍານິຊໍານານ ໃນການນໍາໃຊ້ພາຫະນະອາວຸດຍຸດປະກ່ອນ ທີ່ທັນສະໄໝ
ແລະ ເອົາໃຈໃສ່ ຄຸ້ມຄອງກວດກາ ດ້ານຈໍານວນພົນ ເພື່ອຮັບປະກັນໃນເຄື່ອນໄຫວ ກຽມພ້ອມສູ້ຮົບ ແລະ ປະຕິບັດໜ້າທີ່ການເມືອງຕົວຈິງ ໃຫ້ທ່ວງທັນ
ກັບສະພາບການ.